EZabbuli 61:7 - Bbaibbuli y'oLugwere

⁷ Omuganye afuge ngʼali omu bukuumibwo emirembe nʼemirembe. Ekisaakyo nʼobwesigwabwo, bimukuumenge.

EZabbuli 61:7 ပူးပေါင်းရင်းမြစ်များ

ENtandiika 24:27

Era nʼakoba ati, “Musengwa, iwe oKibbumba wa musengwa wange oIbbulaimu bakuwuuje, olwʼokubba oyabire ngʼomulaga ngʼobwoli owʼekisa era omwesigwa e gyali. Era zena Musengwa onnungamirye nʼontuca omu kisito kyʼabaganda ba musengwa wange.”

ENtandiika 32:10

Tinsaanira okunkwatira ekisa ekyo kyonakyona ekiwankwatiire era nʼobwesigwa bwonabwona obuwandagire nze omuweereryawo. Owenayambukiire omwiga oYoludaani, nabbaire nʼomukoomero gwonkani. Neye atyanu njirire nga ndi nʼebibbubbu bibiri ebyʼabantu era nʼebibbubbu bibiri bibiri ebyʼebisolo ebyʼenjawulo.

2 Samwiri 7:26

kaisi olwo bakugulumalye emirembe gyonagyona, nga bakoba bati, ‘OMusengwa oWabwezye Bwonabwona niiye oKibbumba afuga oIsirairi.’ Era obonere nakimo ngʼabʼebyaire lyange bafuga emirembe gyonagyona.”

EZabbuli 21:5

Ekitiisyakye kinene olwʼobuwanguli obwomuwa, omuwaire obukulu nʼeitutumo.

EZabbuli 40:11

Oo Musengwa tiwakomya okunkwatira ekisaakyo. Ekisaakyo nʼamazimago binkuumenge bulijo.

EZabbuli 41:12

Okuumire obwomi bwange olwʼokubba nkola ebituuce. Onkuumiire omumaisogo emirembe gyonagyona.

EZabbuli 43:3

Osindike ekitangaalakyo nʼamazimago, oganye binnungamye, era bintuuce oku lusozirwo olutukulye, omu kifo ekyo e gyobba.

EZabbuli 57:3

Yalisindika obubbeeri okuzwa omwigulu okunnunula, yalikaawukira abanjolonga. OKibbumba yalindaga okutakakwe okutakoma, era yalindaga ngʼobwali omwesigwa.

ENgero 20:28

Okutaka okutakoma nʼobwesigwa, bikuuma okabaka; okutaka okutakoma kumugumirya oku ntebe.

Luuka 1:33

Yalifuga abaizukulu ba Yaakobbo emirembe gyonagyona, era obwakabakabwe tibwakuwaawo.”

AbʼEbbulaniya 9:24

Era oKurisito tiyaingiire omu kifo ekitukulye nga bantu niibo abakikolere, ekifaanana-obufaanani na kidi ekinanyerenyeere. Wazira yaingiire omwigulu awananyerenyeere, era nga gyali nʼatyanu omumaiso ga Kibbumba ngʼatukiikirira.