EZabbuli 61:4 - Bbaibbuli y'oLugwere

⁴ Onganye mbenge omu weemayo enaku gyʼobwomi bwange gyonagyona. Onganye neebisenge ansi wʼebiyayabyo.

EZabbuli 61:4 ပူးပေါင်းရင်းမြစ်များ

EZabbuli 15:1

Oo Musengwa, naani eyaingiranga omu Weemayo? Naani eyatyamanga oku lusozirwo olutukulye?

EZabbuli 17:8

Onkuume ngʼobwokuuma emunge yʼeriisolyo, ombise omu kiiriirye kyʼebiyayabyo.

EZabbuli 23:6

Dala obusaabwo nʼekisaakyo byabbanga na nze enaku gyʼobwomi bwange gyonagyona. Era naabbanga omu nyumba ya Musengwa emirembe nʼemirembe.

EZabbuli 27:4

Ekintu kimo ekinsaba oMusengwa, era ekiinnoonia, kubbanga mu nyumba ya Musengwa enaku gyʼobwomi bwange gyonagyona, nga nningirira oku busaabwe, era nʼokusaba okulungamyakwe nga ndi omu Yeekaaluye.

EZabbuli 57:1

Onkwatire ekisa Kibbumba wange, onkwatire ekisa olwʼokubba njirukira eeri niiwe okunkuuma. Nsuna obukuumi mu kiiriirye kyʼebiyayabyo paka entalo owegica.

EZabbuli 61:7

Omuganye afuge ngʼali omu bukuumibwo emirembe nʼemirembe. Ekisaakyo nʼobwesigwabwo, bimukuumenge.

EZabbuli 62:7

Obununuli bwange nʼekitiisya kyange bizwa eeri Kibbumba. Niiye eibbaale lyange eryʼamaani omu neebisa, era niiye ekiirukiro kyange.

EZabbuli 63:7

Olwʼokubba niiwe obubbeeri bwange; era nnyemba ni njaagaanira omu kiiriirye kyʼebiyayabyo.

EZabbuli 90:1

Oo Musengwa, obbaire kiirukiro kyaiswe, emirembe nʼemirembe.

EZabbuli 91:1

Nabuli ayaba eeri oNambulaku aMwagaagana okusuna obukuumi, nabuli eyaabbanga omu bukuumi bwʼoyo oWabwezye Bwonabwona,

EZabbuli 91:4

Iye yakulabiriranga, era omu biyayabye mu wasunanga obukuumi. Obwesigwabwe bwabbanga ngaboyo okukukuumanga.

EZabbuli 92:13

Babba ooti misaale egibakomere okumpi nʼenyumba ya Musengwa, ni gikula nakusani oku luuga lwʼeYeekaalu ya Kibbumba waiswe.

ENgero 18:10

OMusengwa, lugaga olwʼamaani, omutuukirirye omwairukira nʼasuna obukuumi.

Matayo 23:37

Awo oYesu nʼakunga oku lwʼabantu bʼe Yerusaalemi ati, “Inywe abantu bʼe Yerusaalemi, inywe omwita abanaabbi, era ni mwita nʼabantu oKibbumba ababatumira nga mubakubba nʼamabbaale! Emirundi mimeka egintakire okusolooja abaanabo ooti nkoko owaamaamira obumiyobwe omu biyayabye, neye nga timwikirirya?

AbʼEbbulaniya 6:18

Mwekyo oKibbumba ekiyakolere, mulimu ebintu bibiri ebitacuusika, era omwotoyezya kubbeyera, ekisuubizokye nʼekirayiro. Nʼolwekyo iswe abairukiire egyali okunoonia obutyami mwiye twiramu ino amaani okwekalangulira omu bukakafu bwʼokusuna ekyo ekitunuwirira okusuna.

Kubiikula 3:12

Oyo awangula amaani ga Sitaani, nalimusuuca muntu owʼekitiisya omu bantu ba Kibbumba ogumpeererya, era tiyaligizwamu. Nalimuwa eriina eriyaaka eriraga liti muntu wa Kibbumba wange, era wʼomu kibuga e Yerusaalemi ekiyaaka, ekiika nga kizwa omwigulu e wa Kibbumba ogumpeererya. Era nalimuwandiikaku eriina lyange eriyaaka okulaga nga muntu owange.

Luusi 2:12

Nsaba oMusengwa akusasule olwʼebyo ebyokolere. Nsaba oMusengwa iye oKibbumba wa Isirairi oguwaizire okukukuumanga akuwe empeera nene.”