EZabbuli 60:6 - Bbaibbuli y'oLugwere

⁶ OKibbumba atumuliire omu Weemaye ati, “Naligabulyagamu oSekemu nga njaagaana, ni nsalasalamu ekiinamo oSukosi.

EZabbuli 60:6 ပူးပေါင်းရင်းမြစ်များ

ENtandiika 12:6

Awo oIbbulaamu nʼabantu abeyabbaire nabo ni batambula omu kyalo ekyo paka mu kifo kyʼe Sekemu, awabbaire omuvule gwʼe Moole. Era omu biseera ebyo aBakanani niibo ababbaire abatyami bʼomu kyalo ekyo.

2 Samwiri 3:18

Kale atyanu mukituukirirye, olwʼokubba oMusengwa yatumwire oku Dawudi ati, ‘Njaba kukolesya omuweererya wange oDawudi okununula abantu bange aBaisirairi omu bwezye bwʼaBafirisuuti nʼobwʼabalabe baabwe bonabona.’ ”

EZabbuli 119:162

Nsangaalira mu bisuubizobyo, ooti muntu asangaalira omunyago omungi.

EZabbuli 132:11

OMusengwa yalayiriire oDawudi omu mazima, nga yeeyama ekyeyamo ekyʼenkalaakalira ekiyatalireka ngʼakoba ati, “Nalityamisya omoiza okwibyaireryo oku ntebeyo eyʼobwakabaka.

EZabbuli 56:4

OKibbumba namuwuujanga olwʼebyo ebyasuubiza. Omu Kibbumba munateekanga obwesigwa bwange, tinaatyenge. Abantu-obuntu bayezya kunkola niki?

EZabbuli 89:19

Omu biro ebyʼeira watumwire nʼabaweereryabo abeesigwa omu kwolesebwa oti, “Mpaire omulwani owʼamaani obubbeeri. Ngulumalya yooyo ogunalondere omu bantu bonabona okubba Kabaka.

EZabbuli 89:35

Nalayiire omulundi gumo lumala olwʼeriina lyange eritukulye nti, oDawudi tinalimubbeya.

Yoswa 1:6

“Obbe mugumu era ogume omwoyo, olwʼokubba niiwe owalikubbembera abantu abo okwaba okusuna omuwuluko ogunalayiriire abazeiza baabwe.

Yoswa 13:27

Era nga kyaba omu kiinamo oBbesi Kalamu, nʼoBbesi Nimula, nʼoSukosi nʼoZafoni, nʼekitundu ekyasigairewo ekyʼobwakabaka bwa Sikoni owʼe Kesyubboni. Ekyo niikyo ekitundu ekyʼe buzwaisana owʼomwiga oYoludaani, ekyabira nakimo paka empembi wʼeNyanza oGaliraaya.

Yoswa 17:7

Omuwuluko gwa Manase gwazwereire Aseri okutuuka e Mikimesasi e buzwaisana owʼe Sekemu. Okuzweraawo ensalo nʼerungama e maserengeta, nʼetwaliryamu abantu bʼEni Tapuwa.

Yoswa 20:7

Kale ni batongola oKedesi ekyʼomu Galiraaya omu kyalo ekyʼensozisozi ekya Nafutaali, nʼoSekemu omu kyalo kyʼEfulaimu ekyʼensozisozi, nʼoKiriyaasi Alubba nga niikyo oKebbulooni omu kyalo ekyʼensozisozi ekya Yuda.

Yoswa 24:1

Awo Yoswa nʼayeta ebika ebya Isirairi byonabyona okukumbaanira e Sekemu. Yayetere abantu abakulu, nʼabeekubbemberi, nʼabalamuzi, era nʼabakungu ba Isirairi, ni baaba ni beeragisya omumaiso ga Musengwa.

Yoswa 24:32

Era amagumba ga Yusufu, aBaisirairi agebabbaire baleetere okuzwa e Misiri, ni bagaliika e Sekemu omwitakali oYaakobbo eriyagulire ebitundu byʼefeeza 100 oku bataane ba Kamoli oiteeye wa Sekemu. Eitakali eryo ni libba muwuluko gwʼabaizukulu ba Yusufu.