EZabbuli 6:2 - Bbaibbuli y'oLugwere

² Oo Musengwa onkwatire ekisa, olwʼokubba obwomi busebengerera. Oo Musengwa, ondamye, olwʼokubba amagumba gameketa.

EZabbuli 6:2 ပူးပေါင်းရင်းမြစ်များ

ENtandiika 20:17

Era awo oIbbulaimu nʼasaba oKibbumba era oKibbumba nʼalamya Abbimereki, nʼomukali wʼAbbimereki era nʼabagalama bʼAbbimereki abakali, kaisi abantu abo bayezye okubyala tete.

EZabbuli 22:14

Mpoiremu ooti maizi agasusukire, nʼamagumba gange gonagona galegeya omu nyingo. Omwoyo gwange guncemuka ooti dipoli asaanuuka.

EZabbuli 30:2

Oo Musengwa, iwe oKibbumba wange, nakwekungiriire okumbeera, era nʼondamya.

EZabbuli 31:10

Obwomi bwange busebengereire olwʼenima, era emyanka gyange gisalikire olwʼokukenyera. Mpoiremu amaani olwʼekibbikibbi kyange, era amagumba gange gagogobere.

EZabbuli 32:3

Owenabisabisanga ekikole ekibbikibbi ekinkolere, nagogobanga olwʼokukunganga ni mmalaku olunaku.

EZabbuli 38:2

Onsumutire nʼobulasobwo, era nʼonkubba nʼengaloyo ni ngwa.

EZabbuli 38:3

Olwʼobusungubwo mpulira obulumi omu mubiri gwange gwonagwona, mpulira amagumba gange gameketa olwʼekibbikibbi kyange.

EZabbuli 38:7

Omu maniko munjocererya, mpulira obulumi omu mubiri gwange gwonagwona.

EZabbuli 51:8

Oleke mpulire eisangaalo nʼokwesiima. Oleke njaagaane waire ngʼonvuniankire.

OKuzwa 15:26

Era oKibbumba yakobere ati, “Owemwawulisisyanga eigono lyange nze oMusengwa iye oKibbumba waanywe nʼokwekeenenya, ni mukola ebituuce omumaiso gange, era owemwakwatanga aMateeka gange, ni mugonderanga nʼebiragiro byange byonabyona, tinalibateekaku endwaire eginateekere oku Bamisiri. Ekyo kityo olwʼokubba Ninze oMusengwa abalamya inywe endwaire.”

OKubala 12:13

OMusa ni yeekungirira oMusengwa ati, “Oo Kibbumba, nkwegairiire, omulamye!”

Matayo 4:24

Kale amawuliro agamukwataku ni gasalaanira omu kyalo kyʼe Siiriya mwonamwona. Era ni bamuleeteranga abalwaire abʼendwaire egitali gimo, nʼababbaire bakaanya obulumi obubitiriri, nʼabaliku emizimu, nʼabʼempimbu, nʼabasanyalaire, bonabona nʼabalamyanga.

AMateeka 32:39

“ ‘Aale atyanu mukimanye muti, Nze ninze zenkani oKibbumba! Mpaawo kibbumba gondi okutoolaku Nze. Ninze njita, era Ninze ngaba obwomi. Ntemula era ni ndamya, mpaawo ayezya okwakanisya ekimba nsalirewo.