EZabbuli 57:2 - Bbaibbuli y'oLugwere

² Neekungirira Kibbumba oNambulaku aMwagaagana, oKibbumba oyo atuukirirya ebiyantegekeire.

EZabbuli 57:2 ပူးပေါင်းရင်းမြစ်များ

EZabbuli 138:8

OMusengwa otuukirirya ebigendererwabye eeri nze; Oo Musengwa, okutakakwo okutakoma kubbeerererawo emirembe gyonagyona. Tiwandekesula nze oguwakolere.

EZabbuli 143:9

Oo Musengwa, onnunule eeri abalabe bange, olwʼokubba njirukira giri niiwe okusuna obukuumi.

EZabbuli 17:8

Onkuume ngʼobwokuuma emunge yʼeriisolyo, ombise omu kiiriirye kyʼebiyayabyo.

EZabbuli 41:5

Abalabe bange batumula nga basairirya bati, “Yalifa di ni bamwerabira?”

EZabbuli 56:2

Abalabe bange bannumba okumalaku olunaku lwonalwona. Omwidumi lyabwe bandwanisya.

Abʼe Firipi 1:6

Era nkakasira nakimo nʼobugumu nti oKibbumba eyatandiikire omulimo omusa mwinywe yeeyongera okugukola paka oweyaligumaliirirya oku lunaku oKurisito oYesu oluyaliriraku.

Abʼe Firipi 2:12

Nʼolwekyo, bainange abatake, ngʼowemugonderanga oKibbumba bulijo, ekikoba nti, tinga ndiwo lwonkani, neye nʼatyanu ngʼowembulayo, musingisyekuuwo nʼokusingisyaku. Buli muntu iye onyere yeefudengeku ino okukola ebintu ebiraga biti oKibbumba yamulokoire. Ekyo mukikolenge mukutya Kibbumba nga mumuwa ekitiisya ekyʼamaani.

AbʼEbbulaniya 13:21

abawe nabuli kisa kyonakyona ekimwetaaga okukolanga ebyataka. OKibbumba oyo akolere mwiswe byonabyona ebyasiima, ngʼabitira omu Yesu Kurisito, awomeire okumuwanga ekitiisya emirembe nʼemirembe. Amiina.