EZabbuli 57:1 - Bbaibbuli y'oLugwere

¹ Onkwatire ekisa Kibbumba wange, onkwatire ekisa olwʼokubba njirukira eeri niiwe okunkuuma. Nsuna obukuumi mu kiiriirye kyʼebiyayabyo paka entalo owegica.

EZabbuli 57:1 ပူးပေါင်းရင်းမြစ်များ

EZabbuli 125:1

Abo abeesiga oMusengwa bacaati ooti lusozi oSayuuni, olutasagaasagana, era olubbeerererawo emirembe gyonagyona.

EZabbuli 13:5

Neye nze neesiga kisaakyo, najaagaananga olwʼokubba walinnunula.

EZabbuli 142:1

Neekungirira oMusengwa, neegairira oMusengwa okunkwatira ekisa.

EZabbuli 2:12

Mukotamye emitwe omumaiso gʼomwanawe okumuwa ekitiisya, nga bbe, yasunguwala nʼabajigirica mangu. Ekyo kityo olwʼokubba obulwabwe tibulwa okusetuka. Neye bʼenkabi abo bonabona abairukira egyali okubakuuma.

EZabbuli 36:7

Oo Musengwa, ekisaakyo nga kyʼebbeeyi ino! Abantu bonabona basuna obukuumi mu kiiriirye kyʼebiyayabyo.

EZabbuli 56:1

Oo Kibbumba onkwatire ekisa, olwʼokubba abantu bannumba. Okumalaku olunaku lwonalwona, abalabe bange banjiigania.

EZabbuli 58:1

Inywe abafugi, dala muwa ebiragiro mu butuuce? Abantu mubalamula mu bwenkanya?

EZabbuli 59:1

Oo Kibbumba wange, ondamye abalabe bange, onkuume eeri abo abannumba.

EZabbuli 61:4

Onganye mbenge omu weemayo enaku gyʼobwomi bwange gyonagyona. Onganye neebisenge ansi wʼebiyayabyo.

EZabbuli 63:7

Olwʼokubba niiwe obubbeeri bwange; era nnyemba ni njaagaanira omu kiiriirye kyʼebiyayabyo.

EZabbuli 75:1

Tukwebalya, Kibbumba, tukwebalya olwʼokubba oli kumpi, era abantu batumula oku byewunyobyo.

EZabbuli 9:10

Ibo abo abakumaite Musengwa bakwesiga, olwʼokubba abakunoonia tobalekesula.

EZabbuli 91:1

Nabuli ayaba eeri oNambulaku aMwagaagana okusuna obukuumi, nabuli eyaabbanga omu bukuumi bwʼoyo oWabwezye Bwonabwona,

EZabbuli 91:4

Iye yakulabiriranga, era omu biyayabye mu wasunanga obukuumi. Obwesigwabwe bwabbanga ngaboyo okukukuumanga.

EZabbuli 91:9

Olwʼokubba osuucirye oMusengwa kiirukirokyo, iye oNambulaku aMwagaagana omukuumiwo,

Matayo 24:22

Era singa oKibbumba tiyakendeiryeku-bukendeeri enaku egyo egyʼokugada, tiwankulamirewo omuntu kadi moiza. Neye olwʼabalondemube, enaku egyo yagikendeiryeku.

Luuka 13:34

Awo oYesu nʼakunga oku lwʼabantu bʼe Yerusaalemi ati, “Inywe abantu bʼe Yerusaalemi, inywe omwita abanaabbi, era ni mwita nʼabantu oKibbumba ababatumira nga mubakubba nʼamabbaale! Emirundi mimeka egintakire okusolooja abaanabo ooti nkoko owaamaamira obumiyobwe omu biyayabye, neye nga timwikirirya?

Yokaana 16:20

Aale mbakobera amazima nti, inywe mwalikunganga era mwalikubbanga enduulu, neenu abantu abakola ebyʼekyalo nga ibo bajaagaana. Inywe enima yalibakwata, neye tete enima yaanywe yalisuukamu isangaalo.

AMateeka 9:26

Ni neegayirira oMusengwa nti, ‘Oo Musengwa iwe oMukulu, tiwajigirica abantubo, ibo ababo ku bubwo, abewanunwire nʼobwezyebwo, nʼobatoola omu kyalo kyʼe Misiri nʼamaanigo amabitiriri.

Kubiikula 21:4

Era yalibaaliirya nʼamalawo obutaki bwonabwona obwabatuukireku. Era walibba nga tiwakaali waliwo okufa, nga tiwakaali waliwo okuyungubala, ooba okukunga, waire obulumi, olwʼokubba olwo ebyʼeira byalibba biwoirewo.”

Kubiikula 7:14

Ni mmwiramu nti, “Musengwa, niiwe omaite.” Nʼankoba ati, “Abo niibo ababitire omu kugada okunene, era ni booza ebizwalo byabwe ebyʼomu mwoyo, niikwo okusuuka abeeru olwʼomusaaye ogwasusukire omu kufa okwa Ntaama oMutomuto wa Kibbumba.

Luusi 2:12

Nsaba oMusengwa akusasule olwʼebyo ebyokolere. Nsaba oMusengwa iye oKibbumba wa Isirairi oguwaizire okukukuumanga akuwe empeera nene.”

1 Samwiri 22:1

ODawudi nʼazwa omu kibuga kyʼe Gaasi, nʼairukira omu mpuku, okumpi nʼekibuga Adulaamu. Abagandabe nʼabʼomu nyumba ya iteeye bonabona owebawuliire bati oDawudi ali eeyo, ni baabayo e gyali.

1 Samwiri 24:3

Awo oSawulo nʼatuuka oku mpuku eri oku nzira, okumpi nʼebinyumba byʼentaama, nʼaingira omu mpuku omwo okweyamba. ODawudi nʼabalwanibe, babbaire omu mpuku omwo nga batyamiire nakimo munda eedi.

1 Samwiri 24:4

Abalwani ba Dawudi ni bakoba oDawudi bati, “Lunu niirwo olunaku oMusengwa oluyakukobeireku ati ayaba okuwaayo omulabewo omu bwezyebwo, omukole ekyotaka.” Awo oDawudi nʼasodookerera oSawulo, nʼasala akawero empembi wʼeganduula ya Sawulo, oSawulo amantategeeraku.

1 Samwiri 24:8

Oluzwanyuma nʼoDawudi yena nʼasetuka nʼazwa omu mpuku, nʼayaminkirira oSawulo ati, “Musengwa wange kabaka!” Awo oSawulo oweyagalukire, oDawudi nʼafuunama nʼaica empumi ansi okwitakali olwʼokumuwa ekitiisya.

1 Samwiri 26:9

Neye oDawudi nʼakoba Abbisaayi ati, “Tiwamwita. Dala naani ayezya okukola akabbikabbi kwoyo oMusengwa oguyasukireku amafuta, nandi nʼabbaaku omusango?”