EZabbuli 56:4 - Bbaibbuli y'oLugwere

⁴ OKibbumba namuwuujanga olwʼebyo ebyasuubiza. Omu Kibbumba munateekanga obwesigwa bwange, tinaatyenge. Abantu-obuntu bayezya kunkola niki?

EZabbuli 56:4 ပူးပေါင်းရင်းမြစ်များ

EZabbuli 118:6

OMusengwa ali nanze, tinaatyenge. Omuntu ayezya kunkola niki?

EZabbuli 119:160

Omulamwa gwʼamateekago mazima meereere; amateekago gonagona amatuukirirye gʼemirembe gyonagyona.

EZabbuli 12:6

Ebisuubizo bya Musengwa byesigwa, biri ooti feeza egibakenenere nga bagibitya omu kikoomi kyʼomusyo, ni bagikengeiza emirundi musanvu.

EZabbuli 138:2

Nakotamyanga omutwe okukuwa ekitiisya nga nningiriire eeri eYeekaaluyo entukulye. Era nakuwuujanga olwʼokutakakwo okutakoma nʼolwʼobwesigwabwo, olwʼokubba wagulumairye eriinalyo nʼekibonokyo okukiraku ebindi byonabyona.

EZabbuli 27:1

OMusengwa niiye ekitangaala kyʼobwomi bwange era niiye omununuli wange, kale mpaawo ogunaatyanga. OMusengwa niiye olugaga lwange, kale mpaawo ekyantisyanga.

Yokaana 10:35

Era mumaite muti eBiwandiike tibayezya okubivunawo. Kale obanga abantu abasunire obukwenda bwa Kibbumba, yabeetere ‘bakibbumba,’

AbʼEbbulaniya 13:6

Niikyo ekigira ni tutumula nʼobugumu tuti, “OMusengwa niiye omubbeeri wange, tinaatyenge. Omuntu ayezya kunkola niki?”

1 Samwiri 30:6

ODawudi nʼanakuwala ino, olwʼokubba abantu bakobere okumukubba amabbaale bamwite. Abantu bonabona emyoyo gyabalumire olwʼokulumirwa abataane baabwe nʼabaala baabwe. Neye oDawudi nʼairamu amaani olwʼokwesiga oMusengwa iye oKibbumbawe.