EZabbuli 55:3 - Bbaibbuli y'oLugwere

³ Okuceera kwa balabe bange, nʼababbibabbi okunjiigaania, bintiisiriirye. Ekyo kityo olwʼokubba bankolaku obulabe, era omu busungu banteekereku endibo.

EZabbuli 55:3 ပူးပေါင်းရင်းမြစ်များ

2 Samwiri 15:3

Abbusalomu ngʼamukoba ati, “Aale obone, ensongayo nsa era ntuuce, neye mpaawo muntu okabaka oguyeesigire okukuwulisisya.”

2 Samwiri 19:19

Nʼamwegairira ati, “Musengwa wange, tiwanvunaana omusango, waire okwebukirya ekyo ekitasaaniire nze omuweereryawo ekinakolere, oku lunaku musengwa wange kabaka oluwazwereire omu Yerusaalemi. Era kabaka nsaba nti tiwakyebukirya.

EZabbuli 12:5

Neye oMusengwa akoba ati, “Olwʼokubba abantu ababbibabbi bagadya abadoobi, era nʼabebagadya bakunga, nasetuka ni mbakuuma ngʼowebeetaaga.”

EZabbuli 17:9

Ondamye ababbibabbi abannumba, era eeri abalabe bange abo abakabbikabbi abanzingiza.

EZabbuli 27:12

Tiwampaayo eeri ebyo abalabe bange ebibantakirya. Ekyo kityo olwʼokubba abansibiriryaku ebyobubbeyi bansetukiireku, era beeyayira okunkola ebizizi.

EZabbuli 35:11

Abajulizi abʼobubbeyi basetuka ni bannumiriza ebintu ebintamaiteku.

EZabbuli 54:3

Abanamawanga bansetukiireku, abaŋeŋese banoonia obwomi bwange. Tibafaayo oku Kibbumba.

EZabbuli 71:11

Bakoba bati, “OKibbumba amulekeswire. Tumuyiige tumukwate, olwʼokubba mpaawo eyamutaasa.”

EZabbuli 73:8

Bajerega abantu, era babatumulaku kubbikubbi, beepanka ni batiisyatiisya okumigirirya abandi.

Matayo 26:59

Olwo abakabona abakulu nʼabʼoLukiiko oLufugi olwʼaBayudaaya bonabona ni banoonia obujulizi obwʼobubbeyi obubasinziriraku okwita oYesu.