EZabbuli 54:7 - Bbaibbuli y'oLugwere

⁷ Ekyo kityo olwʼokubba onnunwire omu bigosi byange byonabyona, ni mbona ngʼowangwire abalabe bange.

EZabbuli 54:7 ပူးပေါင်းရင်းမြစ်များ

ENtandiika 48:16

Omalaika owannunwire mu buli kabbikabbi konakona, obawe enkabi. Eriina lyange nʼerya zeiza wange oIbbulaimu, nʼerya bbaabba oIsaka, okubita omu baana banu, abantu bageebukiryenge. Basune eibyaire linene oku kyalo.”

2 Samwiri 4:9

ODawudi nʼairamu oLekabbu nʼomugandawe oBbaana abataane ba Limooni owʼomu Bbeerosi ati, “Ndayira oMusengwa ngʼobwali omwomi eyannunwire omu bigosi byonabyona!

EZabbuli 112:8

Tatya, omwoyogwe mugumu, paka oweyalibona ati abalabebe babawangwire.

EZabbuli 118:7

OMusengwa ali nanze, era niiye omubbeeri wange. Nalibona ngʼawangula abalabe bange.

EZabbuli 143:12

Olwʼokutakakwo okutakoma, omalewo abalabe bange, ojigirice bonabona abanjiigaania, olwʼokubba ndi muweereryawo.

EZabbuli 34:19

Omuntu omutuukirirye ayinza okusuna ebigosi bingi, neye oMusengwa amununula mu byonabyona.

EZabbuli 34:6

Oyo onambulaku obubbeeri yasabire era oMusengwa nʼamuwulira, nʼamununula nʼamutoola omu bigosibye byonabyona.

EZabbuli 37:34

Weesigenge oMusengwa, era ogonderenge ebiragirobye. Yalikugulumalya, nʼosikira ekyalo. Era walibona ababbibabbi nga babajigirica.

EZabbuli 59:10

iwe Kibbumba wange ankwatira ekisa. OKibbumba omu kisaakye yaliiza nʼambeera, era nalyegooŋa ngʼawangwire abalabe bange.

EZabbuli 91:8

Waliringirira-bulingiriri nʼobona nʼagago ekibonerezo kyʼomubbimubbi.

EZabbuli 92:11

Mboine ngʼowangula abalabe bange, abanjiigaania bakungire ni mpulira.

2 Temuseewo 4:18

Era oMusengwa yannunulanga mu buli kabbikabbi, era yalintuuca kusani omu bwakabakabwe obuli omwigulu. OMusengwa oyo tumuwenge ekitiisya emirembe nʼemirembe. Amiina.

1 Samwiri 26:24

Ngʼowentwaire obwomibwo okubba obwʼomugaso olwatyanu, nsaba oMusengwa yena atwale obwomi bwange okubba obwʼomugaso, era andamye ebigosi byonabyona.”