EZabbuli 52:1 - Bbaibbuli y'oLugwere

¹ Iwe owʼamaani, lwaki weepankira omu kibbikibbi? Ekisa kya Kibbumba kinkuuma okumalaku olunaku.

EZabbuli 52:1 ပူးပေါင်းရင်းမြစ်များ

EZabbuli 10:7

Ebyatumula biizwire biraami, na bubbeyi na kutiisyatiisya. Atumula byʼeitima nʼebibono ebibbibibbi.

EZabbuli 103:17

Neye omu mirembe gyonagyona okutaka kwa Musengwa okutakoma kubba kwabo abamutya; era obusaabwe bubba oku baizukulu baabwe,

EZabbuli 107:1

“Mwebalye oMusengwa olwʼokubba musa; okutakakwe okutakoma kubbeerererawo emirembe gyonagyona.”

EZabbuli 54:3

Abanamawanga bansetukiireku, abaŋeŋese banoonia obwomi bwange. Tibafaayo oku Kibbumba.

EZabbuli 59:7

Owulire ebibono ebibakaasa okuzwa omu minwa, bakaasa ebibono ebisumuta ooti mpiima. Baseega bati mpaawo abawulira.

EZabbuli 7:14

Obone ababbibabbi owebaseega okukola ekibbikibbi! Baizwire itima, era batumula byobubbeyi.

EZabbuli 94:4

Basesema bibono byʼokwekudumbalya, era bonabona abakola ebibbibibbi baizwire kwepanka.

OKuzwa 22:9

Abantu ababiri owebakayaaniranga ekintu, nga nabuli muntu akoba ati kikye, waire nte, ooba mpunda, ooba ntaama, ooba bizwalo, ooba ku kintu ekindi kyonakyona ekigotere, bombi abakikayaanira babatwalanga e gibasinzira oMusengwa. Era omuntu oyo oKibbumba oguyasingisyanga omusango, yagaitanga omwinaye ebintu ebikubbisyemu ekyakayaanira emirundi mibiri.

ENgero 6:14

Omu nseegaye encaamu, ategeka kukola bibbibibbi, bulijo asiga byʼobucaawi.

ENgero 6:18

omwoyo oguseega okukola obubbibubbi ebigere ebyanguwa okukola obucaamu;

Abʼe Looma 1:30

nʼokusibirirya oku bantu, nʼokucaawa oKibbumba, nʼokubityamu abanaabwe amaiso, nʼokwekudumbalya, nʼokwewuuja. Era buli kiseera babba bayiiya bukodyo bwʼokukola bikole ebibbibibbi. Era bantu abatengu era abatawulisisya ababyaire baabwe.

2 Temuseewo 3:2

Omu biseera ebyo abantu balibba nga beemaite bonkani, nga bantu abalulunkanira empiiya, abʼeidumi, abʼamalala, abataka okuzuma, era nga tibagondera babyaire baabwe. Balibba bantu abatasiima ebibabakolera, abatatya oKibbumba,

1 Samwiri 21:7

Oku lunaku olwo, wabbairewo omoiza oku baweererya ba Sawulo, eyabbaire nʼekimusigalisirye omumaiso ga Musengwa. Eriinalye Dowegi owʼomu kyalo kyʼEdomu, era nga niiye omukulu wʼabaliisya ba Sawulo.