EZabbuli 51:6 - Bbaibbuli y'oLugwere

⁶ Iiwe osangaalira mazima omu mwoyo gwʼomuntu. Onsomesya amalabuki omu mwoyo gwange.

EZabbuli 51:6 ပူးပေါင်းရင်းမြစ်များ

2 Samwiri 12:13

Awo oDawudi nʼakoba oNasani ati, “Nakolere ekikole kibbikibbi omumaiso ga Musengwa.” ONasani nʼakoba oDawudi ati, “OMusengwa atoirewo ekibbikibbikyo, tiwaafe.

EZabbuli 125:4

Oo Musengwa okolere abo abasa ebisa, abo abʼemyoyo emirongoole.

EZabbuli 15:2

Niiye oyo onambulaku ekyokumunenya, akola ebituuce, era atumula ebyʼamazima.

EZabbuli 26:2

Onkeme, Musengwa, ongezyesye, okebere omwoyo gwange nʼenseega yange,

EZabbuli 32:5

Awo ni nkubbutuliranga ebikole byange ebibbibibbi, era nandi ni njirayo okubisabisanga ebikole byange ebibbibibbi. Ni nkoba nti, “Oleke mbutulire oMusengwa ebikole byange ebibbibibbi.” Era wena nʼonsoniya omusango gwʼebikole byange ebibbibibbi.

EZabbuli 41:5

Abalabe bange batumula nga basairirya bati, “Yalifa di ni bamwerabira?”

EZabbuli 5:9

Abalabe bange ebibono ebibatumula tibyesigika, ekibali oku myoyo ikwo kufafaagania. Ebibono ebiwaana ebibatumula, bifunya ooti kivundi ekizwa omu magombe agebaliikwire.

ENgero 2:21

olwʼokubba abʼemyoyo emirongoole niibo ababbaawo oku kyalo, era abanambulaku ekyokubanenya, niibo abakisigalamu.

ENgero 2:6

olwʼokubba oMusengwa niiye agaba amalabuki, okumanya nʼokutegeera bizwa giri niiye.

Luuka 11:39

Awo oMusengwa Yesu nʼamukoba ati, “Inywe aBafalisaayo muli ooti bantu abafaayo kunaabyaku ebikopo nʼamatiba ku ngulu kwonkani neye ngʼomu ntooma mugagi. Kale nywena omu myoyo gyanywe mwizwire buluvu nʼebiseego ebibbibibbi.

Abʼe Looma 7:22

Omwoyo gwange gwonagwona gwikirirya eiteeka lya Kibbumba.

2 Abʼe Kolinso 1:12

Atyanu iswe ekituleetera okwenyumiriza niikyo kinu kiti: Omu myoyo gyaiswe tukakasa tuti, eneebitya yaiswe omu bantu era okukirira nakimo enkolagana yaiswe na inywe eriwo mu butuukirirye nʼomu mazima ebizwa eeri oKibbumba. Ebyo titubikolere mu malabuki gʼabantu-buntu, neye lwʼekisa kya Kibbumba ekiri na iswe.

Yaakobbo 4:8

Mwigerere eeri oKibbumba nga muteeka okwesiga kwanywe mu niiye, yena yaigerera egimuli. Mutukulye obwomi bwanywe inywe abakola ebibbibibbi, mutereerye emyoyo gyanywe inywe ababbeyi.

1 Peetero 3:4

Wazira, buli nʼokusinzirira ku kiikyo ekimuli omu bwomi bwanywe obwʼomwoyo. Ibwo nago nga busiipoono obutacucuka, ibwo budi obwa mu mwoyo ogwʼeiwooyo era omuwombeeki. Era obusiipoono obwo ibwo bwʼebbeeyi yʼamaani ino omumaiso ga Kibbumba.

1 Samwiri 16:7

Neye oMusengwa nʼakoba oSamwiri ati, “Tiwalingirira mbonekaye, waire obuwanvubwe, olwʼokubba oyo nze mmugaine. Nze oMusengwa okubona kwange tikuli ngʼokwʼabantu. Abantu balingirira mboneka yʼokungulu, neye nze nningirira kiidi ekiri omu mwoyo.”