EZabbuli 51:14 - Bbaibbuli y'oLugwere

¹⁴ Oo Kibbumba onnunule omu musango gwʼokusuka omusaaye, iwe Kibbumba omununuli wange. Era awo nayembanga ino oku butuukiriryebwo.

EZabbuli 51:14 ပူးပေါင်းရင်းမြစ်များ

ENtandiika 42:22

Awo oLubbeeni nʼabairamu ati, “Aale nze tinabakobere nti timwakola omwisuka akabbikabbi, neye inywe ni mugaana okumpulisisya? Atyanu bali kutugadya lwʼokufaakwe.”

ENtandiika 9:6

“Nabuli eyaitanga omuntu, yena omuntu niiye eyamwitanga. Ekyo kityo olwʼokubba oKibbumba yakolere omuntu ngʼamufaanana.

2 Samwiri 12:9

Kale lwaki onyoomere ekibono kyange nze oMusengwa, nʼokola ebibbibibbi omumaiso gange? Wategekeire oWuliya oMukiiti, aBaamoni ni bamwitira omu lutalo, nʼotwala nʼomukaliwe.

2 Samwiri 21:1

Awo oku mulembe gwa Dawudi ni wagwawo enzala nene okumala emyanka misatu, kale oDawudi ni yeebuulyaku oMusengwa. OMusengwa nʼamukoba ati, “Ekyo kityo lwa Sawulo nʼabʼomu nyumbaye abali nʼomusango gwʼobutemo, olwʼokubba oSawulo yaitire aBagibbyoni.”

2 Samwiri 3:28

Awo oluzwanyuma oDawudi oweyawuliire, nʼasaba ati, “Enaku gyonagyona omumaiso ga Musengwa, nze nʼabʼomu bwakabaka bwange titwabbaaku omusango ogwʼokwita Abbuneeri omutaane wa Neeri.

EZabbuli 25:5

Onnungamye omu mazimago era oganjegesye olwʼokubba niiwe oKibbumba omununuli wange, era eisuubi lyange libba mu niiwe okumalaku olunaku.

EZabbuli 26:9

Tiwamalawo obwomi bwange aamo nʼabakola ebibbibibbi, waire ngʼobwokola abatemo.

EZabbuli 35:28

Olwo natumulanga oku butuukiriryebwo era nakuwuujanga okumalaku olunaku.

EZabbuli 38:22

Oyanguwe okumbeera, Musengwa niiwe omununuli wange.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

EZabbuli 68:20

OKibbumba waiswe niiye oKibbumba anunula, iye aKira Byonabyona, oyo oMusengwa atulamya okufa.

EZabbuli 88:1

Oo Musengwa iwe oKibbumba annunula, nkwekungirira omusana nʼobwire.

Bikole 18:6

Neye owebamwakanisirye ni bateekaku nʼokumuzuma, yena nʼabeekankabaku era nʼabakoba ati, “Owemujigirikanga olwʼokugaana obukwenda bwa Kibbumba musango gwanywe, nze atyanu mbabulaku buvunaanyizibwa. Era okuzwa atyanu njaba kulaabbanga eeri Batali Bayudaaya.”

Bikole 20:26

Kagira nkibbutula egimuli olwatyanu nti omuntu yenayena kwinywe owaajigirikanga, ogwo tigwalibba musango gwange.

Abʼe Looma 10:3

Bakayire okutegeera enkola entuuce oKibbumba omwabita okubabala okubba bantu abatuukiriire, tete ibo ni bagezyaku kweyesera nkola eyaabwe-okubwabwe, eyo eyʼokwabira oku Mateeka ga Musa. Eyo ibo gibasengererya, okuleka eedi entuuce oKibbumba omwabita okutuuka okubala omuntu okubba atuukiriire.