EZabbuli 51:13 - Bbaibbuli y'oLugwere

¹³ Awo nʼayegesyanga abatakugondera ebiragirobyo, kaisi abakola ebibbibibbi bacuukenge ni baira egyoli.

EZabbuli 51:13 ပူးပေါင်းရင်းမြစ်များ

EZabbuli 19:7

Eiteeka lya Musengwa lituukirirye, liirya omu myoyo gyaiswe amaani. Ebiragiro bya Musengwa byesigika, bigeziwalya abula amalabuki.

EZabbuli 22:27

Abantu omu mawanga gonagona balimanya oMusengwa era baligaluka ni baira egyali. Ebika byonabyona omu byalo byonabyona byalimusinza.

EZabbuli 25:4

Oo Musengwa, ondage amanzirago, onjegesye okutambulira omu busindebwo.

EZabbuli 25:8

OMusengwa musa era mutuuce, nʼolwekyo alungamya ababbibabbi omu manzirage.

EZabbuli 32:5

Awo ni nkubbutuliranga ebikole byange ebibbibibbi, era nandi ni njirayo okubisabisanga ebikole byange ebibbibibbi. Ni nkoba nti, “Oleke mbutulire oMusengwa ebikole byange ebibbibibbi.” Era wena nʼonsoniya omusango gwʼebikole byange ebibbibibbi.

Matayo 18:3

Awo nʼabakoba ati, “Mbakobera amazima nti, okutoolaku nga mucuukire ni mwewombeeka ngʼabaana abatobato, neye nga bbe timwalingira naire omu bwakabaka bwʼomwigulu.

Luuka 22:32

Neye nze nkusabiire, tiwawaamu okwikirirya. Era owewalimala okwenenya, ogumyanga abeegi abainawo.”

Bikole 13:10

“Onawulima iwe, oli ooti Sitaani onanyerenyeere era omulabe wʼobutuukirirye bwonabwona. Oizwire bubbeyi era nʼokulebalebania okwa buli ngeri. Tiwalirekeraawo okugotesya amazima agazwa egiri oMusengwa?

Bikole 15:3

Oluzwanyuma lwʼabʼekanisa yʼomu Foinisiya okusibirira oPawulo nʼoBbalunaba ebintu ebibeetaaga omu lugendo lwabwe, ni babaseebula. Kale ni babitira omu kyalo kyʼe Bufoiniiki, nʼomu Samaaliya. Baabanga bacaalira ekanisa yʼomu bitundu ebyo, nga webabakoberaku nga nʼaBatali Bayudaaya owebali kucuuka ni baira eeri oKibbumba. Aboluganda abo owebawuliire ebyo, ni baizula eisangaalo eribitiriri.

Bikole 3:19

Nʼolwekyo mwenenye, mugaluke mwire eeri oKibbumba asoniye ebibbibibbi byanywe, kaisi emyoyo gyanywe gisunenge okwira obuyaaka okuzwa eeri oMusengwa iye oKibbumba.