EZabbuli 51:10 - Bbaibbuli y'oLugwere

¹⁰ Oo Kibbumba, ombumbiremu omwoyo omulongoole, onteekemu omwoyo omuyaaka era omwesimbu.

EZabbuli 51:10 ပူးပေါင်းရင်းမြစ်များ

EZabbuli 24:4

Abo bonkani abakola ebisa, era abaseega ku biibyo oKibbumba ebyasiima byonkani. Era abatawaayo obwomi bwabwe okusinza ebifaananyi, era nga tibalayira ebyobubbeyi.

EZabbuli 35:10

Nʼobwomi bwange bwonabwona nalikoba oMusengwa nti, “Oo Musengwa, naani aali nga iwe! Onunula omunafu eeri amukiraku eino amaani, nʼonunula omudoobi nʼadamba, eeri abamunyagaku ebibye.”

EZabbuli 73:1

OKibbumba dala musa eeri oIsirairi, eeri abo abʼemyoyo emirongoole.

EZabbuli 78:37

Tibabbaire beesigwa egyali, tibakuumire endagaanoye.

EZabbuli 78:8

Tibaabbanga ooti bazeiza baabwe abʼomulembe omukakanyali era omujeemu. Emyoyo gyabwe tigyagondeire oKibbumba, era nga tibeesigwa egyali.

ENgero 20:9

Naani ayezya okukoba ati, “Nkuumire omwoyo gwange nga mulongoole; ndi mutukulye era mbulaku kibbikibbi?”

Matayo 5:8

Bʼenkabi abo abaseega ku biibyo oKibbumba ebyasiima byonkani, olwʼokubba ibo balibona oKibbumba.

Bikole 11:23

OBbalunaba oyo yabbaire musaiza omusa eino ayabira oku kulungamya okwʼoMwoyo oMutukulye era aizwire okwikirirya. Oweyatuukire omwAntiyokiya, yena ni yeeboneraku ngʼoKibbumba owaalagire abantu abo ekisa, nʼabba musangaali ino. Atyo nʼabasisiitira bonabona okubba bamaliriri omu myoyo gyabwe okukalangukira oku kwikiririrya omu Musengwa nʼomwoyo gumo. Abantu abandi bangi kwabo abamuwuliire ngʼatumula nʼebiyakolere bona ni baikirirya aMawuliro aMasa, ni baira eeri oMusengwa.

Bikole 15:9

Ekikoba kiti, tiyalagire enjawulo aakati waiswe nabo olwʼokubba bona ebibbibibbi byabwe yabibasoniyire lwʼokwikirirya mu Yesu.

Abʼe Looma 12:2

Timwirangayo okufaanania empisa gyanywe nʼegyʼabantu abʼekyalo abatali baikirirya aba Kurisito. Wazira oKibbumba agaluce obwomi bwanywe, nga musuna okwira obuyaaka okwʼenseega yaanywe. Awo niiye owemwezerya okumanya ebyo oKibbumba ebyataka; ebisa, era ebisangaalya, era ebituuce nakusani.

1 Abʼe Kolinso 15:58

Nʼolwekyo boluganda abatake, mubbenge bagumu, era nga timuyuuga. Mweyongerenge bulijo okukolera oMusengwa waiswe nʼeiganyi, olwʼokubba mumaite muti okukalabana kwanywe tikwabwereere.

2 Abʼe Kolinso 5:17

Kale atyanu omuntu yenayena owaabba ekintu ekimo nʼoKurisito, abba kibbumbe kiyaaka; ekikoba kiti, ebikolebye ebyʼeira bibba biwoirewo, awo olwo ebiyaaka nga niibyo ebiizirewo.

AbʼEfeeso 2:10

OKibbumba niiye onyere eyatukolere atyo, ati tubbe ekintu ekimo nʼoKurisito Yesu, kaisi twezye okukolanga ebikole ebisa ebyo eira oKibbumba ebiyatutegekeire okukolanga.

Abʼe Kolose 3:10

Era mwazwaire obwomi obuyaaka, obwo oKibbumba obwayaba ngʼayongera okwirya obuyaaka omu kifaananyikye, kaisi olwo mumutegeere omu bwizulye.

Tito 3:5

yatulokoire, tirwokubba nʼebikole ebisa ebitwakolere, wazira lwa kusaasirakwe. Yatulokoire ngʼakolesya kutuwa bwomi obuyaaka oMwoyo oMutukulye obwaleetawo omu muntu owetwikirirya oYesu.

Yaakobbo 1:8

olwʼokubba wʼemyoyo mibiri, yonayona egyabba tatyamikica.

Yoswa 14:14

Kale oKebbulooni ni kibba kya Kalebbu omutaane wa Yefune oMukenizi okuzwa kwʼolwo, olwʼokubba oKalebbu yeesigire oMusengwa iye oKibbumba wa Isirairi nʼomwoyogwe gwonagwona.

1 Peetero 1:22

Aale atyanu ngʼowemumalire okutukulya obwomi bwanywe olwʼokugondera amazima kaisi mubbe nʼokutaka aboluganda okwʼamazima, kale mutakanganenge ino nʼomwoyo gumo.