EZabbuli 50:3 - Bbaibbuli y'oLugwere

³ OKibbumba waiswe aiza, neye tikasirinkiriri, omusyo ogulunkuuma gumwekubbembeire, ompunga owʼamaani yamweruguuliriirye.

EZabbuli 50:3 ပူးပေါင်းရင်းမြစ်များ

EZabbuli 48:14

OKibbumba oyo niiye oKibbumba waiswe emirembe gyonagyona, niiye eyatulungamyanga paka owetwalifa.

EZabbuli 50:21

Ebyo byonabyona obikolere era ni nsirika, nʼoseega oti ndi nga iwe. Neye atyanu nkukawuukira, ni nkulagira kimo omusango.”

EZabbuli 68:20

OKibbumba waiswe niiye oKibbumba anunula, iye aKira Byonabyona, oyo oMusengwa atulamya okufa.

EZabbuli 83:1

Oo Kibbumba tiwasirika-busiriki nandi nʼonyega, Kibbumba tiwasirika nandi nʼobbaaku ekyokola.

EZabbuli 96:13

gyayembera omumaiso ga Musengwa, olwʼokubba aiza. Aiza okusalira ekyalo omusango. Yaliramula ekyalo mu bwenkanya, yaliramula abantu mu mazima.

OKuzwa 19:18

OLusozi oSinaayi lwonalwona ni luduunya omwosi, olwʼokubba oMusengwa ngʼali omu musyo yabbaire aikire oku lusozi olwo. Era omwosi ni guzwa omu lusozi ni gwaba e ngulu ooti mwosi gwʼetanuulu era olusozi lwonalwona ni lutengeeta ino.

ABaleevi 10:2

Kale oMusengwa nʼasindika omusyo, ni gubooca, ni bafeera aawo omumaiso ga Musengwa.

OKubala 16:35

OMusengwa nʼasindika omusyo, ni gwoca abantu 250 badi ababbaire baduunyisya obubbaani.

Matayo 3:12

Iye ayaba okwabulamu abantu ooti muntu akwata olugali nʼasenyenta, empeke nʼebisusungu. Empeke igyo yaligikumbaanirya omu kideerokye, kaisi ibyo ebisusungu nʼabyoca nʼomusyo ogutalikira.”

AMateeka 9:3

Neye mumanye olwatyanu muti oMusengwa iye oKibbumba waanywe niiye eyabeekubbemberamu inywe, ngʼali ooti musyo ogwoca ni gujigirica. Niiye eyaliwangula abantu abo nʼabajigirica nga wemutaabaala. Nʼolwekyo mwalibabbingamu ni mubamalawo mangu ngʼoMusengwa oweyabasuubizire inywe.”

AbʼEbbulaniya 12:29

olwʼokubba oKibbumba waiswe, iye musyo ogwoca ni gujigirica!

AbʼEbbulaniya 2:3

Kaisi tete olwo iswe? Twalyezya tutya aale okulama okutubonereza ngʼowekitusaanire swena, singa titwateekeyo omwoyo oku bukwenda obukwata oku kulokoka obwʼamaanimaani obutyo? Obukwenda obwo, oMusengwa onyere niiye eyasookere okubumanyikisya abantu, era abo abawuliire ngʼabumanyikisya babukakasire egituli ngʼowebuli bwʼamazima.

Kubiikula 22:20

Oyo akakasa ebyo akoba ati, “Niikyo ekyo, njiza mangu.” Amiina. Oize Musengwa waiswe oYesu.