EZabbuli 5:9 - Bbaibbuli y'oLugwere

⁹ Abalabe bange ebibono ebibatumula tibyesigika, ekibali oku myoyo ikwo kufafaagania. Ebibono ebiwaana ebibatumula, bifunya ooti kivundi ekizwa omu magombe agebaliikwire.

EZabbuli 5:9 ပူးပေါင်းရင်းမြစ်များ

EZabbuli 27:11

Oo Musengwa, ondage enzirayo. Onnungamye omu nzirayo entuuce, olwʼokubba ndi nʼabalabe.

EZabbuli 51:6

Iiwe osangaalira mazima omu mwoyo gwʼomuntu. Onsomesya amalabuki omu mwoyo gwange.

EZabbuli 52:2

Osala enkwe okujigirica abandi, ebibonobyo bisala ooti kamweso akoogi, bulijo oyiiya ebyʼobubbeyi.

EZabbuli 62:4

Mutaka okumutoola oku bukulu. Mukira kusangaalira bubbeyi. Entumula yaanywe eraga okutakirya omuntu obusa, neye ngʼomu myoyo gyanywe mumulaama.

EZabbuli 62:9

Dala abantu mwota-bwota. Nʼobwebabba bʼekitiisya, tibeesigika. Owebabapima oku minzaani tibazitowa era babba bawuuku okukiraku omwota.

EZabbuli 64:6

Bateesa ekibbikibbi ni bakoba bati, “Entegeka enu egitukolere, mpaawo ekyagikaisisya.” Ebiseego byʼomuntu omunda omu mwoyogwe, mpaawo ayezya okubitegeera.

EZabbuli 69:19

Omaite ngʼowebanzuma, ngʼowebanswaza era ngʼowebanjerega. Abalabe bange bonabona obabona.

ENgero 29:5

Omuntu awaanawaana omwinaye, abba yeetega lutuula.

Luuka 11:39

Awo oMusengwa Yesu nʼamukoba ati, “Inywe aBafalisaayo muli ooti bantu abafaayo kunaabyaku ebikopo nʼamatiba ku ngulu kwonkani neye ngʼomu ntooma mugagi. Kale nywena omu myoyo gyanywe mwizwire buluvu nʼebiseego ebibbibibbi.

Luuka 11:44

“Wobe! Ala inywe nga mulabire! Era ekyo kityo olwʼokubba muli ooti magombe agataboneka, ibo abantu agebatambuliraku nga tibamaite ekivundi ekibali kutambulirangaku.”

Abʼe Looma 3:13

Ebibono ebibazwamu bifunya ooti kivundi ekizwa omu magombe agebasaanukwire; ennimi gyabwe gibbutula bubbeyi bwereere. Ebibono byabwe bikangabalya ooti saagwa wa mpiri.

1 Abʼe Sesalonika 2:5

Mwebukirya kusani ino muti, titukolesyangaku bibono bya kubawaanawaana, era titwabbaire ooti bantu abatumula ebibono ebisa oku ngulu neye ngʼomunda bibiikire ku buluvu. Mwebyo oKibbumba niiye omujulizi waiswe.