EZabbuli 5:6 - Bbaibbuli y'oLugwere

⁶ Ojigirica abo abatumula ebyobubbeyi. OMusengwa acaawira nakimo abaiti nʼababbeyi.

EZabbuli 5:6 ပူးပေါင်းရင်းမြစ်များ

ENtandiika 34:14

Era abataane ba Yaakobbo ni babakoba bati, “Titwezya okukola ekyo, okuwa omusaiza atali omukomole omwonyoko waiswe, olwʼokubba ekyo kyabba kyʼensoni egituli.

2 Samwiri 16:8

OMusengwa anyaaŋire lwʼabantu bonabona abʼenyumba ya Sawulo abewaitire era oSawulo oyo oguwanyagireku obwakabaka obwobbaire ofuga. Obwakabaka obwo oMusengwa abukwatisirye Abbusalomu omutaanewo. Aale obone atyanu otuukire okujigirika olwʼokubba oli mutemo!”

2 Samwiri 20:1

Atyanu e Girugaali wabbaireyo omusaiza oMubbenyamini owʼobuvuuyo, eriinalye bati Sebba nga mutaane wa Bbikuli. Lwabbaire lumo oSebba nʼafuwa ekondeere nʼakooka ati, “Iswe mpaawo mugabo ogutusuubira omu Dawudi, mpaawo byobusika ebitusuubira mwoyo omutaane wa Yese. Inywe aBaisirairi, nabuli muntu akange wuwe.”

EZabbuli 11:5

OMusengwa yeekeenenya ebikole byʼabatuukirirye, neye acaawa ababbibabbi abataka ebikole byʼobukambwe.

EZabbuli 4:2

Bantu inywe, mwalituuca di okummalamu ekitiisya nga munswaza? Mwalituuca di okutaka ebinambulamu, nʼokukolera oku byobubbeyi?

EZabbuli 43:1

Oo Kibbumba, olangirire ngʼowembulaku omusango, era ondwanirire eeri abantu abatakutya, Onnunule eeri abo ababbeyi era ababbibabbi.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

Abʼe Looma 1:29

Baizwire ebikole ebibbibibbi ebya buli ngeri, bantu abacaamu, abaluvu, era abavundi bʼempisa. Bonabona baizwire ngongi, na bwiti bwʼabantu, na yombo, na kuseega bundi buli moiza oku mwinaye. Era bageyangana,

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”

Kubiikula 22:15

Neye abo ababebenyeki, nʼabalogo, nʼabalendi, nʼabaiti, nʼabasinza ebifaananyi, nʼabo bonabona abataka era abakola ebyobubbeyi balisigala nza eeri embwa.