EZabbuli 5:10 - Bbaibbuli y'oLugwere

¹⁰ Oo Kibbumba, obasingisye omusango. Oleke ibo abananyere bagwe omu mitego gyabwe. Obabbinge omumaisogo olwʼebikole byabwe ebingi ebibbibibbi, olwʼokubba bakujeemeire.

EZabbuli 5:10 ပူးပေါင်းရင်းမြစ်များ

2 Samwiri 15:31

Atyanu oDawudi babbaire bamukobeire bati, “Akisofeeri moiza oku bantu abeeyimbirye okwAbbusalomu.” Kale oDawudi nʼasaba ati, “Oo Musengwa nkwegairiire, amalabuki Akisofeeri agaawa ogasuuce busirusiru.”

2 Samwiri 17:14

Awo Abbusalomu nʼaBaisirairi bonabona abeyabbaire nabo ni bakoba bati, “Amalabuki ago aga Kusaayi oMwaluki gakiraku gadi agʼAkisofeeri.” Ekyo kityo olwʼokubba oMusengwa yabbaire asalirewo ati amalabuki amasa Akisofeeri ageyawaire tibagakoleraku, oMusengwa kaisi aleete akabbikabbi okwAbbusalomu.

2 Samwiri 17:23

Akisofeeri oweyaboine ngʼamalabukige tibagasengereirye, nʼategeka ondogoyiwe, nʼakanga e ika omu kibuga kyʼe waabwe, nʼakola ekiraamo, ni yeemyeda. Omulambogwe ni baguteeka omu kiija kyabwe.

Eseza 7:10

Kale ni baaba baanika oKamani oku kalabba akeyabbaire ategekere kwanikaku Moludekaayi. Awo obusungu bwa kabaka ni bwikaikana.

EZabbuli 10:15

Omubbimubbi era akola ebikole ebibbibibbi omumalemu amaani. Omubonereze olwʼebikole ebibbibibbi ebyakolere, paka oweyalekereraawo nakimo ebibbibibbibye.

EZabbuli 107:11

olwʼokujeemera ebiragiro bya Kibbumba, nʼokunyooma okusisiitira kwʼoNambulaku aMwagaagana.

EZabbuli 17:13

Oo Musengwa, osetukiremu obalwanisye, era obawangule. Ondamye ababbibabbi ngʼokolesya empiimayo.

EZabbuli 31:18

Obbuuneku eminwa gyʼababbeyi, abo abamalala era abʼeidumi abatumula okubbikubbi oku batuukirirye.

EZabbuli 35:26

Oleke bonabona abegooŋa olwʼebigosi byange, ensoni gibakwate baswale era bacankalane. Era oleke bonabona abaneekudumbaliryaku, baizule ensoni baswaluke.

EZabbuli 55:15

Oleke okufa kugwe oku balabe bange kibbwatukira. Oleke baabe e magombe nga bakaali boomi, olwʼokubba ekibbikibbi kibba omu bisito byabwe nʼomu myoyo gyabwe.

EZabbuli 66:7

Afuga nʼobwezyebwe emirembe gyonagyona, ateekere amaisoge oku banamawanga. Aale abajeemu abo tibamwepankirangaku.

EZabbuli 71:13

Nsaba nti abo abanvunaana baswale era bajigirike, abo abataka okunkola akabbikabbi, babasekerere era babanyoome.

EZabbuli 79:12

Oo Musengwa, abaliranwa baiswe obasasulemu emirundi musanvu olwʼokukujooga.

1 Abʼe Kolinso 3:19

Ekyo kityo olwʼokubba abantu bʼoku kyalo ekibatwala bati malabuki, Iye oKibbumba akibona ngʼekyʼobusirusiru. Era ngʼeKiwandiike owekikoba kiti: “OKibbumba akolesya amalabuki gʼabalabuki ngʼomutego okubapapalya.”

AMateeka 2:30

Neye oSikoni okabaka wʼe Kesyubboni tiyatwikiriirye okubita omu kyalokye, olwʼokubba oMusengwa iye oKibbumba waanywe yamukakanyairye omwoyo nʼamusuuca wʼempuutu, kaisi amuweeyo omu bwezye bwanywe mumuwangule, ngʼowakikolere olwatyanu.”

1 Samwiri 25:29

Singa wabbaangawo akuyiiga okukwita, oMusengwa iye oKibbumbawo yakuumanga obwomibwo nakusani. Neye obwomi bwʼabalabebo oMusengwa yalibukasuka eedi ooti muntu akasuka amabbaale okuzwa omu nvuumuulo.

1 Samwiri 25:39

ODawudi oweyawuliire ngʼoNabbali afiire, nʼakoba ati, “OMusengwa bamwebalye, anyaaŋire oNabbali eyanzumire, era eyangaine nze omuweereryawe okukola ekibbikibbi. OMusengwa abonerezere oNabbali olwʼekibbikibbikye.” Awo oDawudi nʼatumira Abbigairi obukwenda ngʼamusaba okumufumbirwa.