EZabbuli 48:1 - Bbaibbuli y'oLugwere

¹ OMusengwa niiye omukulu era asaaniire okumuwuuja ino, omu kibuga kya Kibbumba waiswe, oku lusozirwe olutukulye.

EZabbuli 48:1 ပူးပေါင်းရင်းမြစ်များ

EZabbuli 145:3

OMusengwa mukulu, era asaaniire okumuwuuja eino, obukulubwe tibumalikayo.

EZabbuli 147:5

OMusengwa waiswe mukulu era wʼobwezye obwʼamaani, nʼamalabukige tigakoma.

EZabbuli 2:6

“Nteekere okabaka wange, oku lusozi lwange olutukulye oSayuuni.”

EZabbuli 30:1

Oo Musengwa, nakugulumalyanga olwʼokubba onnunwire. Toganyire abalabe bange okwegooŋa oku lwange.

EZabbuli 42:1

Ngʼokimaadu owaaluga nʼenyonta yʼamaizi, omwoyo gwange gwona gutyo weguluga okutaka oKibbumba.

EZabbuli 46:1

OKibbumba niiye ekiirukiro kyaiswe era niiye amaani gaiswe, bulijo abbaawo okutubbeera omu bugosi.

EZabbuli 46:4

Waliwo omwiga, ngʼemyala gyagwo gireeta eisangaalo omu kibuga kya Kibbumba, ikyo ekifo ekitukulye, oNambulaku aMwagaagana e gyabba.

EZabbuli 47:8

OKibbumba afuga amawanga gonagona, ngʼatyaime oku ntebeye eyʼobwakabaka entukulye.

EZabbuli 65:1

Oo Kibbumba, osaanira okukuwuujanga omu Sayuuni era twatuukiriryanga obweyamo bwaiswe egyoli.

EZabbuli 78:68

Wazira nʼalonda kika kya Yuda, nʼoLusozi oSayuuni ebyasiima.

EZabbuli 86:10

Ekyo kityo olwʼokubba oli wʼamaani, era okola ebyewuunyisya. Niiwe oKibbumba wenkani.

EZabbuli 87:1

OMusengwa yayombekere ekibugakye ku lusozi olutukulye.

EZabbuli 87:3

Iwe ekibuga kya Kibbumba, bakutumulaku ebyʼekitiisya.

EZabbuli 96:4

OMusengwa niiye omukulu era asaanira okumuwuuja ino, bali nʼokumuwa ekitiisya ino okukira ekibawa abakibbumba abandi bonabona.

EZabbuli 99:9

Mugulumalye oMusengwa iye oKibbumba waiswe, era mumusinzire oku lusozirwe olutukulye, olwʼokubba oMusengwa iye oKibbumba waiswe iye Mutukulye.

Matayo 24:15

Awo oYesu ni yeeyongera okutumula nʼabeegibe ati, “Kale mwalibona ekintu ekyomuliko era ekikwatisya enyinya onaabbi oDanieri ekiyatumwireku nga bakiteekere omu kifo ekitukulye.” Oyo asoma binu amanye amakulu.

AbʼEbbulaniya 12:22

Neye inywe okubitira omu kwikirirya mwizire ku Lusozi oSayuuni, era mu kibuga kya Kibbumba onanyere obwomi, era mwizire mu Yerusaalemi ekyʼomwigulu, abamalaika enkumi nʼenkumi egibakumbaaniire omwisangaalo.

Kubiikula 19:5

Era eigono ni lizwa awabbaire entebe eyʼobwakabaka ni likoba liti: “Muwuuje oKibbumba waiswe inywe nywenanywena abaweereryabe, na inywe nywenanywena abatobato nʼabakulu abamuwa ekitiisya.”

Kubiikula 21:2

Ni mbona eKibuga eKitukulye, oYerusaalemi omuyaaka, ngʼaika okuzwa omwigulu e wa Kibbumba, nga bamutegekere ooti mugole ogubawomeirye oibaaye.