EZabbuli 47:9 - Bbaibbuli y'oLugwere

⁹ Abafugi bʼamawanga bakumbaine nʼabantu ba Kibbumba wa Ibbulaimu. Olwʼokubba oKibbumba niiye afuga abʼekubemberi bʼoku kyalo, oKibbumba bamugulumalyenge ino.

EZabbuli 47:9 ပူးပေါင်းရင်းမြစ်များ

ENtandiika 49:10

Yuda niiwe owakwatanga omwigo ogwʼobufugi, era omwibyaireryo niimwo omwazwanga abafugi, paka amawanga owegaligondera eibyaireryo. Era niiryo abantu eribagonderanga.

EZabbuli 46:10

Nʼakoba ati, “Mwikaikane! Mumanye muti ninze oKibbumba ogubagulumalyanga omu mawanga gonagona. Gubagulumalyanga omu kyalo kyonakyona.”

EZabbuli 72:11

Abakabaka bonabona bakotamyenge emitwe gyabwe omumaisoge, abantu abʼamawanga gonagona bamuweereryenge.

EZabbuli 89:18

Oo Musengwa, niiwe engabo yaiswe, niiwe oMutukulye wa Isirairi, owatuwaire okabaka waiswe.

EZabbuli 97:9

Ekyo kityo olwʼokubba iwe Musengwa, niiwe oNambulaku aMwagaagana afuga ekyalo kyonakyona, era bakugulumalirya nakimo ino okukiraku abakibbumba abandi bonabona.

OKuzwa 3:15

OKibbumba era nʼakoba oMusa ati, “ABaisirairi wabakoba oti, NDI, oKibbumba wʼabazeiza baanywe, iye oKibbumba wa Ibbulaimu, era wa Isaka, era wa Yaakobbo, niiye antumire egimuli. Eryo niiryo eriina lyange abantu abʼemirembe nʼemirembe eribanjebukiriryangaku.

OKuzwa 3:6

Era nʼakoba ati, “Ninze oKibbumba wa iteewo, era wa Ibbulaimu, era wa Isaka, era wa Yaakobbo.” OMusa oweyawuliire ebyo ni yeebiika omumaiso, olwʼokubba yatiire okulola oku Kibbumba.

ENgero 30:5

“Nabuli kibono kya Kibbumba kyʼamazima; niiye engabo yʼabo abairukira egyali okusuna obukuumi.

Matayo 22:32

‘Ninze oKibbumba wa Ibbulaimu, era wa Isaka, era wa Yaakobbo.’ Iye Kibbumba wʼabantu ababba aboomi newankubbaire nga bamalire okufa, neye tiwa bantu abasigala omu kufa.”

Abʼe Looma 11:25

Boluganda, ntaka mumanye ekyama kinu, kaisi muleke okwepankapanka. ABaisirairi abamo basigaire nga bakakanyali bʼemyoyo, paka aBatali Bayudaaya bonabona owebalimala okwira eeri oKibbumba.

Abʼe Galatiya 3:29

Aale ngʼowemuli aba Kurisito, muli baizukulu ba Ibbulaimu, era mwalisuna ekyo oKibbumba ekiyasuubizire.