EZabbuli 47:8 - Bbaibbuli y'oLugwere

⁸ OKibbumba afuga amawanga gonagona, ngʼatyaime oku ntebeye eyʼobwakabaka entukulye.

EZabbuli 47:8 ပူးပေါင်းရင်းမြစ်များ

EZabbuli 110:6

Yaliramula amawanga, ekyalo ni kiizula emirambo, era yalisasaigula abafugi oku kyalo kyonakyona.

EZabbuli 48:1

OMusengwa niiye omukulu era asaaniire okumuwuuja ino, omu kibuga kya Kibbumba waiswe, oku lusozirwe olutukulye.

EZabbuli 89:14

Obutuukirirye nʼobwenkanya niibyo omusingi gwʼentebe yʼobwakabakabwo. Okutaka nʼobwesigwa bibonekera omu byokola.

EZabbuli 9:4

Ekyo kityo olwʼokubba waingiire omu nsonga gyange, nʼosinzirira oku ntebeyo eyʼobwakabaka nʼolamula omusango mu bwenkanya.

EZabbuli 93:1

OMusengwa niiye afuga, era ali nʼekitiisya; oMusengwa ali nʼekitiisya era ali nʼamaani. Yateekere ekyalo omu kifo kyakyo, era tikyezya okuyuugayuugana.

EZabbuli 94:20

Toyezya okwegaita nʼabafugi abacaamu, abagunja ebitali byobwenkanya omu mateeka.

EZabbuli 96:10

Mukobere amawanga gonagona muti, “OMusengwa afuga.” Yateekere ekyalo omu kifo kyakyo, era tikyezya okuyuugayuugana. Yaliramula abantu mu bwenkanya.

EZabbuli 97:1

OMusengwa niiye afuga, oleke ekyalo kisangaale; oleke abali oku bizinga bonabona bajaagaane.

EZabbuli 99:1

OMusengwa niiye afuga, era oleke amawanga gatukute. Atyaime oku ntebeye eyʼobwakabaka aakati omu bakeruubbi, era oleke ekyalo kitengeete.

EZabbuli 99:2

OMusengwa niiye akira obukulu omu Sayuuni, niiye ogubagulumalya omu mawanga gonagona.

AbʼEbbulaniya 4:16

Kale, atyanu twigerere nʼobumaliriri eeri entebe ya Kibbumba aizwire ekisa, era twasuna okutusaasira nʼokutukwatira ekisa, era nʼokutubbeera nabuli owetwetaagira.

Kubiikula 19:6

Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.

Kubiikula 20:11

Awo ni mbona entebe eyʼobwakabaka enene era enjeru, ni mbona nʼoyo agityaimeku. Era olwʼentiisya yʼoyo atyama oku ntebe, ekyalo nʼeigulu ni bizwa omumaisoge, ni bijigirika biwaawo.