EZabbuli 47:5 - Bbaibbuli y'oLugwere

⁵ OKibbumba ayabire e ngulu ngʼabantu webaceera olwʼeisangaalo. OMusengwa ayabire e ngulu ngʼabantu webafuwa amakondeere.

EZabbuli 47:5 ပူးပေါင်းရင်းမြစ်များ

2 Samwiri 6:15

ODawudi nʼaBaisirairi bonabona ni baniinaniina okutwala eSanduuku eyʼeNdagaano ya Musengwa omu Yerusaalemi, nga baceera olwʼeisangaalo era nga bafuwa amakondeere.

EZabbuli 150:3

Mumuwuuje nga mufuwa ekondeere, mumuwuuje nga mukubba otongoli nʼenkana.

EZabbuli 68:33

Mwembere oyo atyama omwigulu, eryʼeira nʼeira. Muwulire ngʼabbwatuka nʼeigonolye eryʼamaani.

EZabbuli 78:65

Olwo kaisi oMusengwa nʼabba ooti alamukire mu ndoolo, era ooti muzira enviinyo ogugicemwire.

EZabbuli 81:3

Mufuwe ekondeere ngʼomweri gwankumasuka, nʼowegubbeera mulamba, oku lunaku olwʼomukolo gwaiswe.

EZabbuli 98:6

Era nga mufuwa amakondeere nʼonzobe, muceere olwʼeisangaalo omumaiso ga Musengwa iye oKabaka.

OKubala 23:21

“Mpaawo kisiraani ekiboneka okwibyaire lya Yaakobbo, waire obugosi obubonekere omwIsirairi. OMusengwa iye oKibbumba waabwe ali nabo. Balangirira oKabaka waabwe oyo ngʼowaali mwibo.

1 Abʼe Kolinso 15:52

Era ekyo kyalibbaawo mu kaseera katyayi kati ooti ka muntu kubbalya lumo. Era kyalibba kityo ngʼabantu bamalire kuwulira kuvuga kwʼekondeere kudi okwalibbaawo oku lunaku lwʼenkomerero. Ekyo kityo olwʼokubba ekondeere oweyalivuga, abalibba bafu oKibbumba yalibazuukiza era ni babba nga tibafa emirembe nʼemirembe. Kaisi abo abalibba boomi era bona oKibbumba yalisuucamu emibiri gyabwe.

1 Abʼe Sesalonika 4:16

OMusengwa waiswe onyere yaliika okuzwa omwigulu, nʼokuduumira okwʼamaani eino, eigono lya malaika omukulu nga liwulikikana, era nʼekondeere ya Kibbumba ngʼevuga. Abo abafiire nga baikiririrya omu Kurisito, niibo abalisooka okuzuukira.

1 Temuseewo 3:16

Tukakasira nakimo tuti ekyama ekiri omu njegesya yaiswe, oKibbumba ekiyabiikwire, kituuce ino. Ekyo niikyo ekikoba kiti: “OKurisito yabonekere ngʼomuntu onanyerenyeere, oMwoyo oMutukulye nʼamukakasa ati niiye oyo. Abamalaika bamuboine, ebimufaaku ni babiraabba omu mawanga. Abantu bʼoku kyalo ni bamwikiririryamu, oKibbumba nʼamutwala omwigulu omu kitiisya.”

Yoswa 6:5

Owemwawulira nga bafuwa amakondeere omu magono amawanvu, abantu bonabona bakooka maaminkirira. Awo ekitempe kyʼekikomera kyʼekibuga kyagwa era abantu bonabona ni baingira buteereeri omu kibuga.”

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”