EZabbuli 47:1 - Bbaibbuli y'oLugwere

¹ Mukubbe omu ngalo bantu inywe abʼamawanga gonagona, Mubbookooke enyembo gyʼeisangaalo nga muwuuja oKibbumba,

EZabbuli 47:1 ပူးပေါင်းရင်းမြစ်များ

2 Samwiri 6:15

ODawudi nʼaBaisirairi bonabona ni baniinaniina okutwala eSanduuku eyʼeNdagaano ya Musengwa omu Yerusaalemi, nga baceera olwʼeisangaalo era nga bafuwa amakondeere.

EZabbuli 106:47

Oo Musengwa, iwe oKibbumba waiswe otununule, otusolooje okuzwa omu mawanga, kaisi twezye okwebalyanga eriinalyo iwe omutukulye, era tusangaalenge nga tukuwuuja.

EZabbuli 42:1

Ngʼokimaadu owaaluga nʼenyonta yʼamaizi, omwoyo gwange gwona gutyo weguluga okutaka oKibbumba.

EZabbuli 46:1

OKibbumba niiye ekiirukiro kyaiswe era niiye amaani gaiswe, bulijo abbaawo okutubbeera omu bugosi.

EZabbuli 47:5

OKibbumba ayabire e ngulu ngʼabantu webaceera olwʼeisangaalo. OMusengwa ayabire e ngulu ngʼabantu webafuwa amakondeere.

EZabbuli 98:4

Nywenanywena abʼoku kyalo, mubbookookere oMusengwa olwʼeisangaalo, mujaagaane nga mwemba okumuwuuja.

EZabbuli 98:8

Oleke emiiga gikubbe omu ngalo, nʼensozi gyembere aamo omwisangaalo.

1 Samwiri 10:24

Awo oSamwiri nʼakoba abantu bonabona ati, “Mumuboine omuntu oMusengwa ogwalondere? Mpaawo omu bantu bonabona ali ooti niiye!” Awo abantu bonabona ni bakooka bati, “Okabaka awangaale!”