EZabbuli 45:8 - Bbaibbuli y'oLugwere

⁸ Amaganduula gaanywe gonagona gafunya okalifuwa ogubeeta omiira, nʼogondi bati alowe, nʼokaisiya. Ebivuga byʼenkosi ebibakubba bikusangaalisya ngʼoli omu mbirigyo egibajolijirye nʼamasyanka.

EZabbuli 45:8 ပူးပေါင်းရင်းမြစ်များ

EZabbuli 11:7

Ekyo kityo olwʼokubba oMusengwa mutuukirirye, era ataka bikole ebyʼobutuukirirye. Abalongoole omu myoyo balibba omumaisoge.

EZabbuli 150:4

Mumuwuuje nga mukubba obugoma era nga mubina, mumuwuuje nga mukubba ebivuga ebyʼenkosi era nga mufuwa emirere.

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 45:15

Babatwala nga bali omwisangaalo nʼokujaagaana ni baingira omu lubiri lwa kabaka.

Matayo 2:11

Kale abasaiza abo owebatuukire ni baingira omu nyumba eyo, era ni babona omwana ngʼali nʼomaaye oMalyamu, bakomere amazwi ni basinza omwana oyo. Awo ni basibindula emigangi gyabwe, era ni bamutonera ebirabo. Bamutoneire ezaabbu, nʼobubbaani nʼebyakaloosa ebibeeta miira.

Yokaana 14:2

Omu nyumba ya Bbaabba mulimu ebisenge bingi, era njaba okubategekera ekifo. Singa ekyo tikibbaire kituuce, tinandibakobere nti njabayo okubategekera ekifo.

Yokaana 19:39

OYusufu yabbaire nʼoNikodemu omusaiza nago enyumaku eedi eyacaaliire oYesu obwire. Era oNikodemu yaabire nʼekiro ooti 33 egya kalifuwa ogubeeta omiira omutabulemu ekigaji.

AbʼEbbulaniya 12:2

nga tumaliire ebiseego byaiswe byonabyona ku Yesu yenkani. Okwikirirya kwaiswe kwemereirewo ku niiye, okuzwera nakimo oku ntadiika paka ku nkomerero yaakwo. OYesu oyo, olwʼeisangaalo eriyamaite ati yasuna ngʼamalire okufa, yagumiire okufeera oku musalabba, nandi nʼatya okuswala. Atyanu atyaime aamo nʼoKibbumba omu kifo ekyʼekitiisya eino.