EZabbuli 45:7 - Bbaibbuli y'oLugwere

⁷ Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

EZabbuli 45:7 ပူးပေါင်းရင်းမြစ်များ

EZabbuli 101:8

Nabuli oluca najigiricanga ababbibabbi bonabona omu kyalo kinu, era nalimalirawo nakimo abakola ebibbibibbi omu kibuga kya Musengwa.

EZabbuli 11:7

Ekyo kityo olwʼokubba oMusengwa mutuukirirye, era ataka bikole ebyʼobutuukirirye. Abalongoole omu myoyo balibba omumaisoge.

EZabbuli 2:2

Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.

EZabbuli 21:6

Dala omuwaire enkabi egyʼenkalaakalira, era asangaala olwʼokubba oli naye.

EZabbuli 33:5

Ataka butuukirirye nʼobwenkanya, era ekisaakye kiizwire ekyalo.

EZabbuli 89:20

Nkivumbwire nti oDawudi, yaabba muweererya wange, mmulondere nga mmusukaku amafuta amawonge okumwawula okubba kabaka.

EZabbuli 89:26

Yankobanga ati, ‘Niiwe oBbaabba era oKibbumba wange, niiwe eIbbaale lyange omu neebisa era omununuli wange.’

EZabbuli 99:4

OKabaka iye owabwezye, ataka bwenkanya. Wateekerewo enkola yʼokutamomola, era omwIsirairi okolere ekyo ekyʼobwenkanya era ekituuce.

ABaleevi 8:12

Nʼasuka agamo oku mafuta ago oku mutwe gwʼAlooni, nʼamwawula era nʼamuwonga.

Matayo 3:15

Neye iye oYesu nʼamwiramu ati, “Oganye kibbe kityo omu kiseera kinu, ikyo kituuce iswe okukola obutuukirirye bwonabwona.” Kale awo oYokaana nʼaikirirya okubatiza oYesu.

Matayo 7:23

Neye nze nalibakoba lwatu nti, ‘Inywe timbamaite. Muzwe nʼegyendi inywe abakola ebibbibibbi.’ ”

Luuka 13:27

Kaisi iye yaliiramu ngʼakoba ati, ‘Nkobere nti timbamaite era timmaite kadi nʼe gimuzwera. Era muzwe e gyendi nywenanywena inywe abakola ebibbibibbi.’

Luuka 3:22

era oMwoyo oMutukulye, ngʼafaananira nakimo ooti njiiwa, nʼaika nʼamugwaku. Era eigono ni lizwa omwigulu nga likoba liti, “Niiwe oMwana wange omutake, era ogunsiima eino.”

Yokaana 1:16

Era okusinzirira oku bwizulye bwʼekisaakye, swenaswena twabire nga tusuna ebirabo ebyʼokumo kumo.

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Yokaana 3:34

Ekyo kityo olwʼokubba oodi nago oKibbumba oguyatumire, atumula bibono ebyo ebyasuna okuzwa eeri oKibbumba olwʼokubba oKibbumba amuwa oMwoyowe omu bwizulye.

Bikole 2:28

Ondagire amanzira agendi nʼokukwata kaisi ntuuke omu bwomi. Olwʼokubba oli na nze, wanjizulya eisangaalo.’ ”

Abʼe Looma 8:29

Ekyo kityo olwʼokubba eira nakimo eedi, iye yamaitiirewo abantube niibo abaliina, nga bakaali nʼokubbaawo. Era, abo nago yabategekeire ati babbe nʼembeera egiri ngʼegyo egya Mwanawe, kaisi olwo oMwanawe iye abbe niiye omubere omu boluganda abangi.

AbʼEfeeso 1:3

Twebalye oKibbumba era oIteeye wa Musengwa waiswe oYesu Kurisito, eyatugabiire nabuli nkabi gyonagyona egyʼomwoyo egizwa omwigulu olwʼokubba ekintu ekimo nʼoKurisito.

AbʼEbbulaniya 1:9

Otaka ebikole byʼobutuukirirye, nʼocaawa obubbibubbi. Kagira nze oKibbumba, oyo oKibbumbawo nkusukireku amafuta ni nkuwa eisangaalo erikira eryʼabandi bonabona.”

AbʼEbbulaniya 2:14

Nʼolwekyo, ngʼowekiri kiti abo oYesu abaayeta abaana, bantu abali mu mubiri, yena yeezwalisirye omubiri nʼasuuka muntu nga ibo. Eyo niiyo engeri yonkani egiyeezyeryemu okufa. Era, okubita omu kufa niiyo engeri yonkani omu yeezyeirye okujigirica amaani ga Sitaani, iye aali nʼobwezye oku kufa.

AbʼEbbulaniya 7:26

OYesu niiye ali nʼekikula kya kabona akira obukulu ogutwetaagira nakimo. Nti niiye oMutukulye, atuukiriire era abulaku kyokumunenya. Niiye oKibbumba oguyayawiire okuzwa mwabo abakola ebibbibibbi era oguyaniinirye nʼabitamu eigulu.

Kubiikula 21:27

Neye timwalingiramu kintu kadi kimo ekitali kitukulye, ooba omuntu kadi moiza akola ebyʼensoni ooba abbeya. Abo bonkani abebawandiikire omu kitabo ekyʼabali nʼobwomi obutawaawo ekya Ntaama oMutomuto wa Kibbumba, niibo abalingira omu kibuga ekyo.

1 Samwiri 16:13

Awo oSamwiri olwo kaisi nʼakwata eiziga lya mafuta, nʼamusukaku amafuta abagandabe nga babona. OMwoyo wa Musengwa nʼaika oku Dawudi nʼamaani, era oMwoyo oyo nʼabbanga naye okuzwa oku lunaku olwo. Awo oSamwiri nʼasetuka nʼakanga e Laama.