EZabbuli 45:5 - Bbaibbuli y'oLugwere

⁵ Obulasobwo obwogi busumute emyoyo gyʼabalabebo, Owangule abanamawanga babbe ansi wʼobwezyebwo.

EZabbuli 45:5 ပူးပေါင်းရင်းမြစ်များ

EZabbuli 21:12

Ekyo kityo olwʼokubba walibalasamu obulaso, ni bacuuka ni bairuka.

EZabbuli 22:27

Abantu omu mawanga gonagona balimanya oMusengwa era baligaluka ni baira egyali. Ebika byonabyona omu byalo byonabyona byalimusinza.

EZabbuli 38:2

Onsumutire nʼobulasobwo, era nʼonkubba nʼengaloyo ni ngwa.

OKubala 24:8

“OKibbumba yabatoire e Misiri, bali nʼamaani ooti ga mbogo. Basaanyawo amawanga gʼabalabe baabwe, ni bavuniankamu amagumba gʼabalabe bitundutundu, babasumutiaga nʼobulaso bwabwe.

Bikole 2:37

Abantu ababbaire bawulisisya oPeetero owebawuliire ebyo ebiyatumwire, ni bibalumirirya, ni bawulira oku myoyo gyabwe ngʼomusango gubakwata, niiye okubuulya oPeetero nʼabatume abainaye bati, “Baganda baiswe, olwo atyanu twakola tutya kaisi oKibbumba ayezye okutusoniya?”

Bikole 2:41

Nʼolwebyo, abaikiriirye ebibono oPeetero ebiyakobere bababatizire, era oku lunaku olwo, abaikirirya abayaaka abeera ooti 3,000 ni babeegaitaku.

Bikole 4:4

Neye era, bangi kwabo ababbaire aawo abawuliire ebibono oPeetero ebiyalaabbiire abaikiririirye omu Yesu, era kwolwo obungi bwʼabaikirirya ni bweyongera paka ooti 5,000, nga tobaliireku abakali.

Bikole 5:14

Neye era, nga nabuli oluca, abantu bangi ino abasaiza nʼabakali ni baikiririryanga omu Musengwa, obungi bwabo ababeeyungangaku butyo ni bweyongera.

Bikole 5:33

AbʼoLukiiko owebawuliire ebibono ebyo, obusungu ni bubakwata, ni bataka baite abatume.

Bikole 6:7

Awo ekibono kya Kibbumba ni kyeyongera okusaalaana nga wekikwata nʼoku bantu abayaaka ababbaire bakaali okukiwulira nʼokukiikiririryamu. Omu ngeri eyo, omu Yerusaalemi mwonkamwonkani, obungi bwʼabaikirirya ni bwaba nga buniina, era mwabo niimwo omwabbaire nʼabakabona abʼomu diini yʼeKiyudaaya bangi abaikiririirye omu Yesu, bona ni basuuka abasengereribe.

Bikole 7:54

AbʼaKakiiko owebawuliire ebyo, ni baizula eikabyo, era ni bamunyiigira ino.