EZabbuli 45:4 - Bbaibbuli y'oLugwere

⁴ Omu kitiisyakyo ngʼoli oku mbalaasi owangulenge olwʼokulwanirira amazima, nʼobuwombeeki nʼobutuukirirye. Oleke engaloyo endiiro, ekole ebyewunyisya.

EZabbuli 45:4 ပူးပေါင်းရင်းမြစ်များ

EZabbuli 2:9

Walibavuniankira nakimo nʼomwigo gwʼekyoma, walibasusungula ni babba ooti kibya ekibasusungwire.’ ”

EZabbuli 60:4

Neye abo abakutya, obasiiriirye ebbendera ngʼobalabula kaisi bayezye okuwunuka okujigirika.

EZabbuli 65:5

Oo Kibbumba oMununuli waiswe, otwiramu ngʼokola ebikole ebyʼobutuukirirye ebyentiisya. Abantu bonabona oku kyalo nʼabali oku manyanza agʼe yala bakwesiga niiwe.

Matayo 11:29

Inywe abananyere mugondere enjegesya yange, era mwegere ku ninze, olwʼokubba ndi wʼeiwooyo era ndi muwombeeki. Era mwasuna ekiwuumulo kyʼemyoyo gyanywe.

Luuka 19:27

Kale atyanu abalabe bange ibo etibantakiirye okusuuka kabaka waabwe, mubaleete aanu, era mubaite nga mbona.’ ”

Yokaana 1:17

Ekyo kityo olwʼokubba oKibbumba yawaire Musa aMateeka okugatuleetera, kaisi ekisa nʼamazima agakwata oku Kibbumba ibyo twabisunire kubita mu Yesu Kurisito.

Yokaana 14:6

Awo oYesu nʼamwiramu ati, “Ninze enzira, era ninze amazima, era ninze obwomi. Mpaawo atuuka egiri oBbaabba okutoolaku ngʼabitire mu ninze.

2 Abʼe Kolinso 10:1

Atyanu nze oPawulo abantu abandi mwinywe ogumukoba nambu owemba na inywe mba muti kaisi tete owemba nga mbawandiikiire bbaluwa nga ndi yala na inywe ni mba muzira, mbegairira omu liina lya Kurisito iye owʼeiwooyo era omuwombeeki.

1 Abʼe Sesalonika 1:5

olwʼokubba owetwabakobeire aMawuliro aMasa, tigabbaire mu bibono-bubono, wazira gabbairemu amaani ga Mwoyo oMutukulye, iye ngʼabawa okukakasira nakimo muti ebitukoba byʼamazima. Mumaite kusani ino ngʼowetwebityanga nga tuli mwinywe. Twebityanga kusani lwʼokutaka kugasa niinywe, titwabakaisya obwomi bwa kwikirirya oYesu.

1 Abʼe Sesalonika 2:13

Era kyetuzwa twebalya oKibbumba bulijo, olwʼokubba owemwawuliire ekibonokye, ekitwabalaabbiire, mwaikiriirye, tinga ekyʼabantu, wazira mwakiikiriirye muti dala kya Kibbumba. Era ekibonokye, niikyo ekikolera mwinywe abaikirirya.

2 Abʼe Sesalonika 3:1

Nga mmaliirirya, aboluganda, mbasaba mutusabirenge, ekibono ekizwa eeri oMusengwa kyeyongere okusaalaana amangu, era abakisuna bakiwenge ekitiisya ngʼowekyabbaire mwinywe.

Kubiikula 11:18

Abantu abataikirirya basunguwaire ino; neye nʼobusungubwo bwizire. Ekiseera kituukire okusalira abafu omusango, nʼokuwa empeera abaweereryabo abanaabbi, nʼabatuukirirye bonabona abakuwa ekitiisya abatobato nʼabakulu. Era ekiseera kituukire okulikirya abo abajigirica ekyalo.”

Kubiikula 19:11

Ni mbona eigulu nga libiikukire, ni mbona ombalaasi owʼerangi enjeru. Amutyaimeku nga bamweta bati Mwesigwa era wʼaMazima. Asala emisango era alwana entalo nʼobwenkanya.

Kubiikula 20:15

Kale buli muntu ogubayajiirye ngʼeriinalye tibaliwandiikire omu kitabo ekyʼabantu abali nʼobwomi obutawaawo, bamudyakire mu nyanza eyʼomusyo.

Kubiikula 6:2

Ni nningirira, ni mbona omuntu ngʼali nʼakalaso atyaime oku mbalaasi owʼerangi enjeru. Ni bamuwa engule, nʼayaba ngʼawangula, era ngʼamaliriire okuwangulira nakimo abalabebe.