EZabbuli 42:6 - Bbaibbuli y'oLugwere

⁶ Omwoyo gwange gunakuwaire! Kagira mmuseegaku nga ndi omu kyalo kyʼe Yoludaani nʼoku Lusozi oKerumooni nʼoku Lusozi oMizali.

EZabbuli 42:6 ပူးပေါင်းရင်းမြစ်များ

2 Samwiri 17:22

Kale oDawudi nʼabantu bonabona ababbaire naye, ni basetuka ni bambuka oYoludaani. Emambya okwaba okusala, nga bonabona bamalire okwambuka oYoludaani.

2 Samwiri 17:27

ODawudi oweyatuukire e Makanaimu, oSyobbi omutaane wa Nakasi owʼomu kibuga kyʼe Labba omu kyalo kyʼaBaamoni, nʼoMakiri omutaane wʼAmiyeeri owʼe Lodebbali, nʼoBbaluziraayi owʼe Logerimu ekyʼomu Gireyaadi ni baaba okumusisinkana.

EZabbuli 133:3

Kiri ooti lume lwʼoku lusozi oKerumooni, olume olugwa oku nsozi gyʼe Sayuuni. Ekyo kityo olwʼokubba oMusengwa giyasinziriire okulagira wabbeewo enkabi, nʼobwomi obwʼemirembe gyonagyona.

EZabbuli 22:1

Kibbumba wange, Kibbumba wange, lwaki ondekeswire? Lwaki omba yala nga nkwekungirira okumbeera?

EZabbuli 43:4

Awo kaisi njabe oku kyoto kya Kibbumba, eeri oKibbumba wange iye eisangaalo lyange eribitiriri. Era nakuwuujanga nga nkukubbira otongoli, oo Kibbumba, iwe oKibbumba wange.

EZabbuli 43:5

Kale atyanu lwaki omwoyo gwange gunakuwala? Era lwaki omwoyo gwange gweraliikirira? Oleke eisuubi lyange nditeeke mu Kibbumba, olwʼokubba nalimuwuuja tete, Iye omununuli wange era oKibbumba wange.

EZabbuli 61:2

Nkweta okumbeera nga nsinzirira e tali kumpi, era nga mpoiremu eisuubi. Ontwale ombise e ngulu okwibbaale eriwanvu.

Yona 2:7

Owenabbaire mpulira ngʼobwomi buwaawo, nakwebukiirye Musengwa era esaala yange nʼeniina e gyoli omu Yeekaaluyo entukulye.

Matayo 26:39

Oweyeeyongeireyo katono omumaiso, nʼagwa oku mazwige era nʼafuunama nʼaica empumi ansi okwitakali, kaisi ni yeegairira oKibbumba ati, “Bbaabba, owekibba ekyetaagisya kiti nteekwa okubita omu kipimo ekyokugada okwo, kale kibbe ngʼowootaka.”

Matayo 27:46

Era oku saawa ooti mwenda, oYesu nʼakunga nʼeigono eryaminkirira ati, “Eloyi, Eloyi, lama sabbakusaani?” Amakulu gaakyo gati, “Kibbumba wange, Kibbumba wange, lwaki ondekerewo?”