EZabbuli 41:2 - Bbaibbuli y'oLugwere

² OMusengwa amukuuma nʼamuwa obwomi, amuwa enkabi omu kyalo, tamuwaayo omu bwezye bwʼabalabebe.

EZabbuli 41:2 ပူးပေါင်းရင်းမြစ်များ

EZabbuli 27:12

Tiwampaayo eeri ebyo abalabe bange ebibantakirya. Ekyo kityo olwʼokubba abansibiriryaku ebyobubbeyi bansetukiireku, era beeyayira okunkola ebizizi.

EZabbuli 33:19

okubalamya okufa nʼokubakuuma nga boomi omu biseera byʼenzala.

EZabbuli 37:22

Abo oMusengwa abaawa enkabi balisikira ekyalo. Neye abo abaalaama balijigirika.

ENgero 11:17

Omuntu owʼekisa yeegasa niiye onanyere neye omuntu omukambwe yeeretaku bigosi.

ENgero 14:21

Iye oyo anyooma omuliranwawe akola kibbikibbi, neye iye oyo akolera abeetaaga ebyʼekisa abba wʼenkabi.

ENgero 19:17

Oyo iye akwatira omudoobi ekisa, abba akoopere Musengwa, era oMusengwa yalimusasula olwʼebisa ebyakolere.

ENgero 31:20

Agabira abadoobi nʼomwoyo gumo, era abbeera abali omu kwetaaga.

AMateeka 14:29

kaisi awo aBaleevi ababula omugabo ooba omuwuluko ogwabwe-okubwabwe, nʼabanamawanga, nʼabafuubbi, nʼabanamwandu abali omu bibuga byanywe, ni baizanga ni basuna ekyokulya ekyo, ni balya ni baikuta, kaisi oMusengwa iye oKibbumba waanywe abawenge inywe enkabi mu byonabyona ebimwakolanga.”

1 Temuseewo 4:8

Ekyo kityo olwʼokubba okukola ebisaizi byʼomubiri kigasa katono, neye okukola ebintu ebiweisya oKibbumba ekitiisya kigasa omu bintu byonabyona. Ikwo kuleeta eisuubi eryʼomu bwomi bunu obwʼoku kyalo, era nʼobwo obutawaawo oKibbumba obuyaliwa abaikirirya.

Luusi 2:19

Odaaniwe nʼamubuulya ati, “Olondeekereirye yaina olwatyanu? Okolere yaina? Omusaiza oyo akutakire atyo oMusengwa amuwe enkabi.” Awo oLuusi nʼakobera odaaniwe ebikwata kwoyo e gyabbaire ngʼakola. Era nʼamukoba ati, “Eriina lyʼomusaiza e gimbaire nga nkola olwatyanu niiye oBbowaazi.”