EZabbuli 40:2 - Bbaibbuli y'oLugwere

² Yantoire omu kiina ekyʼentiisya, nʼomwitonsi nʼanjinululya omu lutente, nʼanjemererya okwibbaale, ni ntambula nga ndi mugumu.

EZabbuli 40:2 ပူးပေါင်းရင်းမြစ်များ

EZabbuli 116:3

Akabbikabbi akʼokufa kabbaire kaneeruguuliriirye, entiisya yʼe magombe nʼeneesibaku, ni mba omu bugosi nʼenima.

EZabbuli 119:133

Olungamyenge entambula yange ngʼowewasuubizire, era tiwaganya ekibbikibbi kyonakyona ni kinfuga.

EZabbuli 143:3

Abalabe bange banjiigire, era bampanguliire nakimo, ni bandetera okubba omu kifo ekyʼendikiirya, ni mba ngʼabo abafiire eira.

EZabbuli 17:5

Bulijo nsengereiryenge biibyo ebiwandagiire, era tincaamangaku naire.

EZabbuli 18:36

Ogalamiirye ebigere byange enzira, era nandi ni ngwa.

EZabbuli 18:7

Awo ekyalo ni kiyuuga era ni kitengeeta. Emisingi gyʼensozi gyona ni gyenyeenya, era ni gitengeeta, olwʼokubba oKibbumba yabbaire asunguwaire.

EZabbuli 27:5

Ekyo kityo olwʼokubba omu biseera ebigosi yankuumiranga kusani e gyabba, era yambisanga omu Yeekaaluye, nʼanteeka e ngulu okwibbaale eriwanvu.

EZabbuli 37:23

OMusengwa alungamya omuntu omu nzira entuuce, era akuuma abo abamusangaalya.

EZabbuli 61:2

Nkweta okumbeera nga nsinzirira e tali kumpi, era nga mpoiremu eisuubi. Ontwale ombise e ngulu okwibbaale eriwanvu.

EZabbuli 69:2

Njolomera omu lutente olwabiriri, awabula obusinziriro. Ndi mu lwabi, amataba gammira.

EZabbuli 71:20

Waire ondekere ni mba omu kugada okunene nʼomu bigosi ebingi era waliiryawo obwomi bwange tete, nʼontoola e magombe nʼonsetula tete.

EZabbuli 86:13

Olwʼokutakakwo okutakoma okubitiriri egyendi, wandamirye okutaika e magombe.

Matayo 13:50

Kaisi abo abakola ebibbibibbi balibasindika omu musyo ogwʼamaani eino, eeyo e walibba okukunga nʼokuŋiiya amaino.”

Bikole 2:24

OYesu yabitire omu bulumi bubitiriri kaisi nʼafa. Neye oKibbumba nʼamuzuukiza, atyo nʼamuteeresya okuzwa omu bulumi okufa obukuleeta olwʼokubba amagombe gabbaire tigayezya okumukalangulirayo okusigala nga mufu.