EZabbuli 40:17 - Bbaibbuli y'oLugwere

¹⁷ Neye nze ndi mudoobi era ndamba, nsaba oMusengwa anseegeku. Niiwe ombeera era niiwe onnunula. Oo Kibbumba wange, tiwaalwawo!

EZabbuli 40:17 ပူးပေါင်းရင်းမြစ်များ

EZabbuli 109:22

Ekyo kityo olwʼokubba ndi mudoobi, era ndamba, era ndi mukosefu omu mwoyo.

EZabbuli 34:4

Nanoonerye oMusengwa, nʼanjiramu, era yannunwire mu byonabyona ebyabbaire bintiisya.

EZabbuli 34:6

Oyo onambulaku obubbeeri yasabire era oMusengwa nʼamuwulira, nʼamununula nʼamutoola omu bigosibye byonabyona.

EZabbuli 35:27

Oleke abasiima nsinge omusango baceere olwʼeisangaalo, era bajaagaane. Era oleke bakobenge bulijo bati, “OMusengwa bamugulumalye, iye asiima okubona omuweereryawe ngʼawangwire.”

EZabbuli 40:5

Oo Musengwa, iwe oKibbumba wange mpaawo akwagaagana. Ebyewuunyisya bingi ebyonkoleire. Ebintu ebyotutegekeire bibitiriri okubibala. Nʼowengezyaku okubitumulaku, timpezya nʼokubimalayo!

EZabbuli 54:4

Neye oKibbumba niiye ambeera, oMusengwa niiye ambeesyawo.

EZabbuli 69:33

OMusengwa awulisisya abo abadoobi, era tiyeerabira abantube abasibe.

EZabbuli 70:5

Neye nze ndi mudoobi era ndamba, nsaba Kibbumba, oyanguwe okwiza egyendi. Niiwe ombeera era niiwe onnunula. Oo Musengwa, tiwaalwa!

EZabbuli 86:1

Oo Musengwa, otege ekitwikyo, era onjiremu, olwʼokubba ndi mudoobi era ndamba.

Matayo 8:20

Neye oYesu nʼamukoba ati, “Amakibbwe igo gali nʼebiina e gigabba, nʼenyonyi gyona giri nʼebisaasiriro. Neye oMwana wa Muntu iye adambaku kadi nʼejaica olubba.”

2 Abʼe Kolinso 8:9

Inywe mumaite muti oMusengwa waiswe oYesu Kurisito wʼekisa kinene. Newankubbaire yabbaire musuni, yasuukire muntu omudoobi okulwanywe, kaisi olwʼobudoobibwe ayezye okubasuuca inywe basuni.

AbʼEbbulaniya 13:6

Niikyo ekigira ni tutumula nʼobugumu tuti, “OMusengwa niiye omubbeeri wange, tinaatyenge. Omuntu ayezya kunkola niki?”

Yaakobbo 2:5

Muwulire, boluganda abatake eino! Abadoobi omu byʼomu kyalo kinu oKibbumba tiniibo abeyalondere okubba abasuni omu kwikirirya, era nʼokusuna obwakabaka obuyasuubizire abamutaka?

1 Peetero 2:23

Cooka abantu owebamuzumire, iye tiyabazumire. Era owebamugadirye, iye tiyabeeyayiire, wazira yeewaireyo eeri oKibbumba iye oyo alamula emisango nga tasalirirya.

1 Peetero 5:7

Kale mumukwatisyenge ebigosi byanywe byonabyona, olwʼokubba iye abalabirira.

Kubiikula 22:20

Oyo akakasa ebyo akoba ati, “Niikyo ekyo, njiza mangu.” Amiina. Oize Musengwa waiswe oYesu.