EZabbuli 40:10 - Bbaibbuli y'oLugwere

¹⁰ Timbisabisa omu mwoyo gwange ebikwata oku butuukiriryebwo. Nnangirira nti oli mwesigwa, era onunula. Omu nkumbaana enene, tindeka kubakobera oku kisaakyo nʼobwesigwabwo.

EZabbuli 40:10 ပူးပေါင်းရင်းမြစ်များ

EZabbuli 22:26

Abadoobi baalyanga ni baikuta. Abo abanoonia oMusengwa bamuwuujanga. Emyoyo gyabwe gibbenge myomi emirembe nʼemirembe.

EZabbuli 25:10

Amanzira ga Musengwa gonagona galimu ekisa nʼobwesigwa, eeri abo abatuukirirya endagaanoye nʼebiragirobye.

EZabbuli 34:6

Oyo onambulaku obubbeeri yasabire era oMusengwa nʼamuwulira, nʼamununula nʼamutoola omu bigosibye byonabyona.

EZabbuli 75:9

Neye nze, nalangiriranga ebyakolere emirembe gyonagyona, nayembanga okuwuuja oKibbumba wa Yaakobbo.

EZabbuli 89:1

Nayembanga oku kutaka okutakoma okwa Musengwa enaku gyonagyona. Obwesigwabwo nabulangiriranga emirembe gyonagyona.

Luuka 3:6

Olwo abantu bonabona baaba okubona ngʼoKibbumba owabalokola.’”

Yokaana 1:17

Ekyo kityo olwʼokubba oKibbumba yawaire Musa aMateeka okugatuleetera, kaisi ekisa nʼamazima agakwata oku Kibbumba ibyo twabisunire kubita mu Yesu Kurisito.

Abʼe Looma 10:3

Bakayire okutegeera enkola entuuce oKibbumba omwabita okubabala okubba bantu abatuukiriire, tete ibo ni bagezyaku kweyesera nkola eyaabwe-okubwabwe, eyo eyʼokwabira oku Mateeka ga Musa. Eyo ibo gibasengererya, okuleka eedi entuuce oKibbumba omwabita okutuuka okubala omuntu okubba atuukiriire.

Abʼe Firipi 3:9

era mbeere nakimo mu niiye, nga mbula butuukirirye obwange oku bwange obuzwa omu kukwata amateeka gʼekiyudaaya, neye obwo ibwo obuzwa omu kwikiririrya omu Kurisito. Ekikoba nti, obutuukirirye obwo obuzwa egiri oKibbumba nʼomuntu nʼabusuna lwa kwikiririrya mu Yesu.

1 Abʼe Sesalonika 1:8

Ekyo kityo olwʼokubba mwasalaanirye ekibono kya Kibbumba, timu Makedooniya nʼomwAkaya mwonkani, neye nʼomu bitundu bingi ino bategeire ngʼowemwikirirya oMusengwa iye oKibbumba. Kale iswe tikitwetaagisya kubbaaku nʼekitutumula.

1 Temuseewo 1:15

Ekibono kituuce ino era kisaaniire okukiikiririrya nakimo, ekikoba kiti, “OKurisito oYesu yaizire omu kyalo kulokola bantu abakola ebibbibibbi.” Mwibo abekitumulaku ninze nsingiramu nakimo okubba akola ebibbibibbi.

Kubiikula 22:17

OMwoyo oMutukulye era nʼabaikirirya aba Yesu, abo nga niibo oMugolewe, bakoba bati, “Oize, Musengwa waiswe oYesu.” Kale buli awulira ebibono ebiri omu kitabo kinu akobe ati, “Oize, Musengwa waiswe oYesu.” Nabuli muntu enyonta eyʼomu mwoyo ogweruma aize, era buli ataka amaizi agʼobwomi, aikirirye okugasuna anambula kusasula.