EZabbuli 4:8 - Bbaibbuli y'oLugwere

⁸ Nnambaala ni ngona mwidembe, olwʼokubba niiwe wenkani, Musengwa, onkuuma ni mba mwidembe.

EZabbuli 4:8 ပူးပေါင်းရင်းမြစ်များ

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 3:5

Nnambaala ni ngona era ni ndamuka, olwʼokubba oMusengwa ankuuma.

ENgero 3:24

Owewalambaalanga, tiwatyenge. Owewalambaalanga wagonanga endoolo ni gikuwoomera.

ABaleevi 26:5

Ebirime byanywe byabalanga ino era mwabbanga mukaali mukona ebyʼempeke ebimukungwire, amakungula gʼemizabbibbu gona ni gatuuka, era mwabbanga mukaali mukungula emizabbibbu ekiseera kyʼokusiga ebyʼempeke kyona ni kituuka. Mwabbanga nʼebyokulya ebibamala, era mwabbanga nʼeidembe omu kyalo kyanywe.

AMateeka 12:10

Neye owemwayambuka oMwiga oYoludaani, oMusengwa iye oKibbumba waanywe yabawa ekyalo ekyo okubba muwuluko gwanywe, era yabakuumanga eeri abalabe baanywe abaabbanga babeeruguuliriirye, ni mubba nʼeidembe.

1 Abʼe Sesalonika 5:10

Iye yatufeereire, kaisi awo nga tukaali tuli omu bwomi, waire nga tumalire okufa, twezye okubba boomi aamo naye.

Kubiikula 14:13

Awo ni mpulira eigono erizwa omwigulu, nga likoba liti, “Owandiike oti, okuzwa olwatyanu, bʼenkabi abo abafa nga baikirirya ba Musengwa oYesu. Dala atyo oMwoyo oMutukulye waakoba ati okutegana kwabwe kuwoire, ni bawuumula, olwʼokubba ebikole byabwe ebisa tibikoma yaanu ku kyalo neye byaba nabo okutuuka omwigulu. Era buli muntu yalisuna empeera kusinzirira ku niibyo.”