EZabbuli 4:3 - Bbaibbuli y'oLugwere

³ Aale mumanye muti oMusengwa ayawiire abatuukirirye okubba babe. Era oMusengwa owemmusaba, anjiramu.

EZabbuli 4:3 ပူးပေါင်းရင်းမြစ်များ

EZabbuli 31:23

Mutakenge oMusengwa inywe nywenanywena abatuukiriryebe. OMusengwa akuuma abo abamwesiga, neye abʼamalala ababonerezera nakimo ino ngʼowebasaaniire.

EZabbuli 34:15

Amaiso ga Musengwa gali ku batuukirirye, era atega amatwige eeri okukunga kwabwe owebamusaba obubbeeri.

EZabbuli 49:3

Ekyo kityo olwʼokubba ebibono ebintumula byʼamalabuki, era ebinfumintiriza omu mwoyo gwange bitegerekeka.

EZabbuli 50:5

“Munkumbaanirye aanu abatukulye bange, abo abakolere endagaano na nze mu kumpa sadaaka.”

EZabbuli 56:9

Olunaku olunalikwekungirira okumbeera, abalabe bange balicuuka ni bakangayo e nyuma. Olwʼekyo mmaite nga iwe Kibbumba, oli oku lubba lwange.

EZabbuli 6:8

Muzwe e gyendi nywenanywena abakola ebikole ebibbibibbi, olwʼokubba oMusengwa awuliire okukunga kwange.

EZabbuli 62:10

Tiwesiganga eifuge, era tiwesisiijanga olwʼebyo ebyonyagire. Obusunibwo nʼowebweyongera obungi, tobwesiganga.

OKuzwa 33:16

Ekigira ni nkoba ntyo, aale omuntu yamanya atya nga nze nʼabantubo tuli bakoda egyoli, ate nga toyabire na iswe? Era niki ekyalaga kiti nze nʼabantubo tuli bʼenjawulo oku bantu abandi bonabona oku kyalo?”

Yokaana 15:16

Era tiniinywe omwasalirewo okubba beegi bange, neye ninze enabalonderemu inywe era ni mbateekawo okukolanga ebikole ebisa. Kaisi awo oBbaabba ayezye okubawanga buli ekimusaba nga mubita omu liina lyange.

AbʼEfeeso 2:10

OKibbumba niiye onyere eyatukolere atyo, ati tubbe ekintu ekimo nʼoKurisito Yesu, kaisi twezye okukolanga ebikole ebisa ebyo eira oKibbumba ebiyatutegekeire okukolanga.

2 Temuseewo 2:19

Neye oKibbumba yateekerewo oYesu nʼabatume ngʼomuntu owaayombeka omusingi omugumu, era oguliku eraama yʼebibono ebikoba biti, “OMusengwa amaite ababe.” Era biti, “Buli abbutula eriina lya Musengwa, azwe omu bibbibibbi.”

Tito 2:14

OKurisito yeewaireyo okufa okulwaiswe kaisi atununule omu bibbibibbi byaiswe byonabyona, atusuuce abantube abakenene omu myoyo, era abamaliriire okukolanga ebintu ebisa ebyataka.

1 Peetero 2:9

Neye inywe muli bantu abalondemu, era muli bakabona ba Kabaka, era muli igwanga eritukulye, era muli bantu ba Kibbumba iye onyere. Kale nʼomu ngeri eyo kaisi olwo mwezye okulangiriranga ebisa byʼoyo iye eyabeetere okuzwa omu ndikiirya yʼobutamanya oKibbumba, okwingira omu kitangaala ekyʼokumanya oKibbumba.

2 Peetero 2:9

Nʼolwekyo oMusengwa iye oKibbumba amaite okutoola abantu omu kugada, abo abamuwa ekitiisya, era iye amaite nʼokweyongera okukuumira abo abakola ebibbibibbi omu kibonerezo paka oku lunaku olwʼokusaliraku omusango.