EZabbuli 4:2 - Bbaibbuli y'oLugwere

² Bantu inywe, mwalituuca di okummalamu ekitiisya nga munswaza? Mwalituuca di okutaka ebinambulamu, nʼokukolera oku byobubbeyi?

EZabbuli 4:2 ပူးပေါင်းရင်းမြစ်များ

EZabbuli 106:20

Ekitiisya ekibandiwaire oKibbumba, ni bakiwa kifaananyi kya nte, iye alya isubi.

EZabbuli 14:6

Abakola ebibbibibbi bakaisya abadoobi okutuukirirya ebibategeka okukola, neye abadoobi ibo bairukira eeri Musengwa okubakuuma.

EZabbuli 2:1

Lwaki abanamawanga beediima, era lwaki abantu basala enkwe eginambulamu?

EZabbuli 3:3

Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

EZabbuli 31:6

Ocaawa abo abaweererya ebifaananyi ebinambulamu mugaso, neye nze nakwesiga niiwe Musengwa.

EZabbuli 5:6

Ojigirica abo abatumula ebyobubbeyi. OMusengwa acaawira nakimo abaiti nʼababbeyi.

EZabbuli 50:15

Onjetenge ngʼoli omu bigosi, nakununulanga, era nʼongulumalya.”

EZabbuli 57:4

Ndi aakati omu balabe abali ooti mpologoma egiri amairu okukaavuula abantu. Amaino gʼabalabe bange gabeesongoirye ooti masimo nʼobulaso. Endimi gyabwe njogi ooti mpiima.

EZabbuli 58:1

Inywe abafugi, dala muwa ebiragiro mu butuuce? Abantu mubalamula mu bwenkanya?

EZabbuli 58:3

Ababbibabbi bacaama kuzwa ngʼowebababyala, era bababyala nʼobubbeyi.

EZabbuli 63:11

Neye okabaka yalijaagaana olwa Kibbumba. Nabuli alayira oKibbumba, yamuwuujanga; neye eminwa gyʼababbeyi bagibbuunangaku.

EZabbuli 72:2

Awo yalamulanga abantubo mu mazima, nʼabebagadya nʼabalamula mu bwenkanya.

OKuzwa 10:3

Kale oMusa nʼAlooni ni baaba eeri oFalaawo, ni bamukoba bati, “OMusengwa iye oKibbumba wʼaBeebbulaniya akoba ati, ‘Walituuca di okugaana okuwulisisya ekinkukoba? Oleke abantu bange baabe bayezye okunsinza.

ENgero 1:22

“Inywe ababisi, mwalituuca di okutaka obubisi? Inywe abanyoomi mwalituuca di okusangaalira obunyoomi? Inywe abasirusiru mwalituuca di okucaawa okumanya?

Yona 2:8

“Abo abeesibiire oku kusinza ebintu ebinambulamu bafiirwa okusaasira okubandisunire.

OKubala 14:11

Era oMusengwa nʼabuulya oMusa ati, “Abantu abo balituuca di okunnyooma? Balituuca di okutaneesiga, waire wona nga njabire nga nkola obumanyiciryo wʼebyewunyo ebyo byonabyona mwibo?

Bikole 24:9

Awo aBayudaaya ababbairewo bona ni bawagira oTerutuulo nga bakakasa bati ebyo ebyatumwire dala bityo webiri.

1 Abʼe Kolinso 1:31

Nʼolwekyo, ngʼowebakiwandiikire bati: “Buli muntu ataka okwenyumiriza, yeenyumirizenge lwʼekyo oMusengwa iye oKibbumba ekyakolere.”

AbʼEfeeso 4:25

Nʼolwekyo, muzwe omu bubbeyi era nabuli muntu akoberenge omwinaye amazima olwʼokubba tuli bitundu bya mubiri gumo.

1 Samwiri 12:21

Era timwacuukanga ni musinzanga ebintu ebitali Kibbumba, ebinambulamu makulu. Ibyo tibyezya kubagasa waire okubanunula, olwʼokubba ibyo binambulamu.