EZabbuli 39:6 - Bbaibbuli y'oLugwere

⁶ buli ooti kiriirye, tibubba omu kifo ekimo! Byonabyona ebyakola bimufeera bwereere. Akumbaania obugaiga nga tamaite eyalibba onanyerebwo.

EZabbuli 39:6 ပူးပေါင်းရင်းမြစ်များ

EZabbuli 127:2

Kibba kinambulamu inywe okulamuka kibbambya, era ni mugona kinamukuku nga mukalabanira ekyokulya. OMusengwa abaataka abawa endoolo.

EZabbuli 144:4

Omuntu abbaawo kaseera-buseera ooti mwota; enakugye ntono ooti kiiriirye ekigotawo mangu.

EZabbuli 89:48

Muntuki omwomi etiyalifa? Naani ayezya okweramya obutaika e magombe?

ENgero 13:22

Omuntu omusa alekera eibyairerye ebyʼobusika, neye obusuni bwʼomubbimubbi, bwalibba bwʼomutuukirirye.

ENgero 23:5

Obugaiga oyezya okubbaaku nabwo akaseera katono ni buwaawo, olwʼokubba mazima bubba ooti bumerere biyaya ni buguluka omwibbanga ooti kokomi.

ENgero 27:24

olwʼokubba obusuni tibubbeerererawo emirembe gyonagyona, nʼengule yʼobufugi, tebba yensikirano emirembe gyonagyona.

Luuka 12:26

Aale obanga timwezya kukolaku waire ekintu ekityai ngʼekyo, kale lwaki mweraliikirira ebindi ebisigaireyo?

Luuka 12:29

Era inywe timwemaliranga mu kunoonia kimwalya, ooba kimwanywa, era timweraliikiriranga olwʼebintu ebityo.

1 Abʼe Kolinso 7:31

Era nʼabo abakolesya ebintu byʼoku kyalo kunu, babbe nga tibeemalira mu niibyo. Ekyo kityo olwʼokubba ekyalo kinu ngʼowekiri atyanu kyaliwaawo.

Yaakobbo 4:14

aate nga timumaite ebyabbaawo eizo. Mumaite kadi obwomi bwanywe ngʼowebuli waire ekyezya okubutuukaku ekiseera kyonakyona? Muli ooti kisu ekibbaawo akaseera katyayi kati ni kiwaawo.

Yaakobbo 5:3

Ebyobusuni byanywe byʼobukukumpanya, era obukukumpanya obwo bwabalumiriza, ni bulya obwomi bwanywe, ngʼomusyo owegwoca ekisaka. Era oku nkomerero oKibbumba nʼabukolesya okubasingisya omusango. Mukumbaanirye obusuni, ni mwerabira muti enkomerero yʼekyalo nʼokubasalira omusango biri kumpi okutuuka.

1 Peetero 1:24

Era ekyo kityo olwʼokubba eKiwandiike kikoba kiti: “Abantu bonabona bali ooti isubi, nʼekitiisya kyabwe kiri ooti bimuli byʼomwigona. Eisubi likala era ebimuli bikunkumuka.

1 Peetero 5:7

Kale mumukwatisyenge ebigosi byanywe byonabyona, olwʼokubba iye abalabirira.