EZabbuli 38:20 - Bbaibbuli y'oLugwere

²⁰ Ibo abenkolera ebisa, bansasulamu bikole bibbibibbi. Bampalana olwʼokubba ndwanikana okukola ebikole ebisa.

EZabbuli 38:20 ပူးပေါင်းရင်းမြစ်များ

EZabbuli 142:7

Ontoole omu busibe obwo kaisi nkuwuujenge. Awo abatuukirirye bakumbaaniranga e gyendi olwa busaabwo egyendi.

EZabbuli 25:19

Obone abalabe bange ngʼowebali abangi, obone ngʼowebanteekereku ekinakoolo ekyʼamaani.

EZabbuli 35:12

Obwemba nkola ebisa bansasulamu bibbibibbi, omwoyo gwange ni gusigala nga munakuwali.

EZabbuli 35:19

Tiwaganya abalabe bange abansibiriryaku okujaagaana olwa kumpangula. Era abancaawa anambula nsonga, tiwabaganya okwegooŋa nga ndi munakuwali.

EZabbuli 7:4

ooba nkolere omukaagwa wange ekintu ekibbikibbi, waire okulumya omulabe wange nga mpaawo nsonga,

Matayo 5:10

Bʼenkabi abo abantu abebayiigaania olwʼokukola oKibbumba ebyataka, olwʼokubba abo obwakabaka bwʼomwigulu ibwo bwabwe.”

Yokaana 10:32

Neye iye nʼabakoba ati, “Muboine ebyewunyo bingi ebinkolere oBbaabba ebiyankobere okukola. Olwo kiri yaina kwebyo ekimusinziriraku okutaka okunkubba amabbaale?”

1 Peetero 3:13

Kale aale naani eyalibakola obubbibubbi singa mubba bantu abayayaanira kukola bisa?

1 Yokaana 3:12

Era timubbanga ooti Kaini, iye oyo eyabbaire owa Sitaani, era nʼaita omugandawe. Neye ekyo kyazwire kuuki? Yamwitire olwʼokubba ebikole ebibye iye oKaini byabbaire bibbibibbi, kaisi ebya mugandawe nga ibyo bisa.

1 Samwiri 23:12

ODawudi tete nʼabuulya ati, “Abatyami bʼe Keyira bampaayo nʼabalwani bange omu bwezye bwa Sawulo?” OMusengwa nʼamwiramu ati, “Bakuwaayo.”

1 Samwiri 23:5

Kale oDawudi nʼabalwanibe ni baaba e Keyira, ni balwanisya aBafirisuuti, era ni babaita ino, ni batwala nʼente gyabwe. Atyo oDawudi nʼalamya abʼomu kibuga oKeyira.

1 Samwiri 25:16

Babbaire ooti kikomera egyetuli okutukuumanga omusana nʼobwire eibbanga lyonalyona eritwabbaire nabo nga tuliisya entaama.

1 Samwiri 25:21

ODawudi yabbaire amalire okukoba ati, “Mazima nakuumiire bwereere ebintu byʼomusaiza oyo byonabyona, ebyabbaire omwidungu, nandi ni kigotaku waire kimo. Kale iye ansaswiremu bibbibibbi omu bisa ebinamukoleire.