EZabbuli 38:12 - Bbaibbuli y'oLugwere

¹² Abataka okunjita bantega emitego, abataka okuntucaaku akabbikabbi bateesa okummalawo. Basiiba kunsalira nkwe.

EZabbuli 38:12 ပူးပေါင်းရင်းမြစ်များ

EZabbuli 10:9

Yeebisirira ooti mpologoma aali nʼekyagonereire omu kigona, nʼakuuma okukwata onambulaku obubbeeri. Akwatisya onambulaku obubbeeri era nʼamukulukuusa ngʼali omu lutuulalwe.

EZabbuli 119:110

Ababbibabbi bantegere omutego, neye tinzwire oku biragirobyo.

EZabbuli 140:5

Abeepanka bantegere omutego omu kyama, bategere olutuula lwabwe era bantegere emitego omu nzira.

EZabbuli 141:9

Ontaase emitego egibantegere, era entuula ababbibabbi egibategere.

EZabbuli 31:12

Baneerabiire ooti-so nafiire, nsuukire kitagasa ooti kibya ekyatikire.

EZabbuli 35:20

Tibatumula ebyʼeidembe, neye bayiiya byʼokusibirirya ku bantu abʼeidembe oku kyalo.

EZabbuli 35:4

Oleke abataka okunjita ensoni gibakwate baswale. Oleke abateesa okunkolaku akabbikabbi babakanjirirye e nyuma nga bibasobeire.

EZabbuli 41:5

Abalabe bange batumula nga basairirya bati, “Yalifa di ni bamwerabira?”

EZabbuli 54:3

Abanamawanga bansetukiireku, abaŋeŋese banoonia obwomi bwange. Tibafaayo oku Kibbumba.

EZabbuli 69:9

olwʼokubba okutaka eino enyumbayo kummalisyawo, nʼabantu ebibakuduula, biira ku ninze.

EZabbuli 88:9

Amaiso gandoolere olwʼenima. Oo Musengwa, nabuli lunaku nkusaba okumbeera. Nsiirya engalo gyange egyoli nga nkwegairira.

ENgero 19:7

Oobanga omudoobi abagandabe bonabona bamucaawa; kaisi olwo abakaagwabe ibo bamwewala kwenkana aina! Newankubbaire ngʼomudoobi abanoonia nʼokwegairira, era tabasuna!