EZabbuli 37:9 - Bbaibbuli y'oLugwere

⁹ Ekyo kityo olwʼokubba abakola ebibbibibbi balibajigirica. Neye abeesiga oMusengwa, balisikira ekyalo.

EZabbuli 37:9 ပူးပေါင်းရင်းမြစ်များ

EZabbuli 25:13

Omuntu oyo yaabbanga nʼebyobusuni era eibyairerye lyalisikira ekyalo.

EZabbuli 37:29

Abatuukirirye balisikira ekyalo, era ni bakityamamu emirembe gyonagyona.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

ENgero 2:21

olwʼokubba abʼemyoyo emirongoole niibo ababbaawo oku kyalo, era abanambulaku ekyokubanenya, niibo abakisigalamu.

OKubala 26:65

Ekyo kityo olwʼokubba oMusengwa yabbaire akobere ati, bonabona babbaire dala ba kufeera mwidungu. Nʼolwekyo, tiwabbairewo kadi moiza kwibo eyabbaire owakusigalawo, okutoolaku oKalebbu omutaane wa Yefune, nʼoYoswa omutaane wa Nuuni.

AMateeka 5:33

Mutambulirenge omu manzira gonagona oMusengwa iye oKibbumba waanywe ageyabalagiire, kaisi mubbenge kusani, era muwangaalire omu kyalo ekimwetwalira.”

AbʼEbbulaniya 11:16

Neye atyanu beegomba obutyami obukiriraku nakimo obusa, obwo nga niibwo obwʼomwigulu. OKibbumba kagira ensoni tigimukwata ibo okumweta Kibbumba waabwe, olwʼokubba yabategekeire ekibuga ekyʼokutyamamu.

Yoswa 14:9

Kale oMusa oku lunaku olwo nʼandayiririra ati, ‘Ngʼoweweesigire oMusengwa iye oKibbumba wange nʼomwoyogwo gwonagwona, ekitundu ekyo ekiwatuukiremu kyalibba muwulukogwo nʼabaanabo emirembe gyonagyona.’

Kubiikula 5:10

nʼobasuuca obwakabaka era abakabona ba Kibbumba waiswe, abʼokufuga ekyalo.”