EZabbuli 37:3 - Bbaibbuli y'oLugwere

³ Weesigenge oMusengwa era okolenge ebintu ebisa, olwo waabbanga nʼeidembe oku kyalo.

EZabbuli 37:3 ပူးပေါင်းရင်းမြစ်များ

ENtandiika 26:2

OMusengwa nʼabonekera oIsaka, era nʼamukoba ati, “Tiwaserengeta okwaba e Misiri, otyame mu kyalo ekinakulaga.

ENtandiika 26:3

Otyameku aanu omu kyalo kinu, era naabbanga aamo na iwe, era nakuwanga enkabi. Nakuwa iwe nʼeibyaireryo, eitakali linu lyonalyona. Era natuukirirya ekisuubizo ekinasuubizire oiteewo oIbbulaimu.

EZabbuli 26:1

Oo Musengwa, olangirire ngʼowembulaku omusango, olwʼokubba mpaawo kibbikibbi ekinkolanga, era neesiga niiwe Musengwa anambula kubuusabuusa.

EZabbuli 33:19

okubalamya okufa nʼokubakuuma nga boomi omu biseera byʼenzala.

EZabbuli 4:5

Muweeyo esadaaka egisaanira, era mwesige oMusengwa.

EZabbuli 62:8

Bantu bange, mwesigenge oKibbumba nabuli kiseera. Mumukoberenge niiye ebigosi byanywe byonabyona, olwʼokubba niiye ekiirukiro kyaiswe.

ENgero 3:5

Weesigenge Musengwa nʼomwoyogwo gwonagwona, tiweesiganga kutegeerakwo.

Luuka 22:35

Kale awo oYesu nʼababuulya ati, “Owenabatumire nandi ni mwaba nʼomugoba ogwʼempiiya, newankubbaire ebikotiya ebyʼabasabiriri, waire engaito, wabbairewo ekimwadambire?” Ni bamwiramu bati, “Mpaawo naire.”

AMateeka 30:20

Era kaisi mutakenge oMusengwa iye oKibbumba waanywe, mumugonderenge, era mumwegumiryengeku. Ekyo kityo olwʼokubba iye niiye obwomi bwanywe, era yalibawa okuwangaala emyanka mingi omu kyalo ekyo ekiyalayiire okuwa abazeiza baanywe; oIbbulaimu, nʼoIsaka, nʼoYaakobbo.”

1 Samwiri 26:19

Aale atyanu musengwa wange kabaka ompulisisyeku nze omuweereryawo. OMusengwa owaabba nga niiye eyakuzwereireku okusunguwala nʼoncuukira, aikirirye mmuwe ekyokuwaayo acuuse enseegaye. Neye abantu owebabba nga niibo abakikolere, nsaba nti basune ekiraami omumaiso ga Musengwa. Ekyo kityo olwʼokubba atyanu bambingire nze okutambalira omu bantu ba Musengwa, nga bankoba bati njabe kuweereryanga bakibbumba bandi.