EZabbuli 32:5 - Bbaibbuli y'oLugwere

⁵ Awo ni nkubbutuliranga ebikole byange ebibbibibbi, era nandi ni njirayo okubisabisanga ebikole byange ebibbibibbi. Ni nkoba nti, “Oleke mbutulire oMusengwa ebikole byange ebibbibibbi.” Era wena nʼonsoniya omusango gwʼebikole byange ebibbibibbi.

EZabbuli 32:5 ပူးပေါင်းရင်းမြစ်များ

2 Samwiri 12:13

Awo oDawudi nʼakoba oNasani ati, “Nakolere ekikole kibbikibbi omumaiso ga Musengwa.” ONasani nʼakoba oDawudi ati, “OMusengwa atoirewo ekibbikibbikyo, tiwaafe.

2 Samwiri 12:9

Kale lwaki onyoomere ekibono kyange nze oMusengwa, nʼokola ebibbibibbi omumaiso gange? Wategekeire oWuliya oMukiiti, aBaamoni ni bamwitira omu lutalo, nʼotwala nʼomukaliwe.

2 Samwiri 24:10

Neye oluzwanyuma oDawudi oweyamalire okubala abantu nʼalumwa omu mwoyo, nʼakoba oMusengwa ati, “Ekintu ekyo ekinkolere, kibbikibbi ino. Oo Musengwa nkwegairiire onsoniye ekibbikibbi ekyo nze omuweereryawo. Nkolere kya busiru ino.”

2 Samwiri 24:17

ODawudi oweyaboine omalaika eyabbaire aita abantu, oDawudi nʼakoba oMusengwa ati, “Ninze enakolere ekikole ekibbikibbi, dala ni nnyonoona, neye abantu banu abanambulaku ekyokubanenya ooti ntaama, bakolere niki? Nkwegairiire, ombonereze ninze nʼabʼomu nyumba eya bbaabba.”

EZabbuli 103:12

Ebikole byaiswe ebibbibibbi abitutoolaku, nʼabiteeka yala na iswe ngʼobuzwaisana obwebuli e yala nʼobugwaisana.

EZabbuli 103:3

Asoniya ebibbibibbibyo byonabyona, nʼalamya endwairegyo gyonagyona.

EZabbuli 25:16

Oo Musengwa, ondoleku, era onsaasire, olwʼokubba nsigaire zenkani era ngada.

EZabbuli 25:18

Obone okugada okwendimu, nʼebigosi byange era onsoniye ebikole byange ebibbibibbi byonabyona.

EZabbuli 30:5

Obusungubwe bubbaawo kaseera-buseera, neye ekisaakye kibbeerererawo. Amaliga gayezya okubbaawo obwire, neye owebuca eisangaalo ni liiza.

EZabbuli 38:18

Mbutula ebikole byange ebibbibibbi, era ni nnakuwala ino olwʼebibbibibbi byange.

EZabbuli 38:19

Abalabe bange bali omu bwomi busa era bʼamaani. Nʼabancaawa anambula nsonga babitiriri.

EZabbuli 51:6

Iiwe osangaalira mazima omu mwoyo gwʼomuntu. Onsomesya amalabuki omu mwoyo gwange.

EZabbuli 86:15

Neye iwe Musengwa oli Kibbumba alumirwa era owʼekisa. Olwawo okusunguwala, oizwire ekisa ekibitiriri nʼobwesigwa.

EZabbuli 86:5

Oo Musengwa, oli musa era osoniya, oli wʼekisa kinene eeri abo bonabona abakusaba.

ENgero 28:13

Oyo iye abisabisa ebibbibibbibye tasuna enkabi, neye nabuli abibbutula nʼabyenenya, bamukwatira ekisa.

ENgero 30:20

“Enu niiyo enkola yʼomukali omulendi: Amala okwenda ni yeenaguca, kaisi nʼakoba ati, ‘Mpaawo kibbikibbi ekinkolereku.’ ”

ABaleevi 5:5

“Omuntu oweyabbenganga omu kintu kyonakyona kwʼebyo, yabbutulanga mulwatu ekibbikibbi ekyakolere.

Luuka 16:15

Neye iye nʼabakoba ati, “Inywe abananyere mwetuuca okubba abasa omumaiso gʼabantu, neye iye oKibbumba amaite emyoyo gyanywe. Ikyo ekintu abantu ekibasisiija bati kikulu ino, tete iye oKibbumba akitwala ngʼekyomuliko omumaisoge.”

Luuka 7:47

Nʼolwekyo nkukobera nti bamusoniyire ebibbibibbibye ebingi, olwʼokubba ali nʼokutaka kunene. Kaisi era ogubasoniya ebitono, yena abba nʼokutaka kwona kutono.”

AbʼEfeeso 4:32

Wazira mubbenge abʼekisa, era nabuli moiza alumirwenge omwinaye, era musoniyaganenge, ngʼoKibbumba oweyabasoniyire inywe ngʼabitira omu Kurisito.

Yoswa 7:19

Awo oYoswa nʼakoba Akani ati, “Mwana wange, owe oMusengwa iye oKibbumba wa Isirairi ekitiisya, era omugulumalye. Onkobere ekiwakolere; tiwakimbisabisa.”