EZabbuli 32:3 - Bbaibbuli y'oLugwere

³ Owenabisabisanga ekikole ekibbikibbi ekinkolere, nagogobanga olwʼokukunganga ni mmalaku olunaku.

EZabbuli 32:3 ပူးပေါင်းရင်းမြစ်များ

2 Samwiri 11:27

Ekiseera ekyʼokukunga owekyawoireku, oDawudi nʼamutumisya nʼamutwala omu nyumbaye, nʼamusuuca mukaliwe era nʼamubyalira omwana mwisuka. Neye ekintu ekyo oDawudi ekiyakolere, ni kisunguwalya oMusengwa.

EZabbuli 22:1

Kibbumba wange, Kibbumba wange, lwaki ondekeswire? Lwaki omba yala nga nkwekungirira okumbeera?

EZabbuli 38:3

Olwʼobusungubwo mpulira obulumi omu mubiri gwange gwonagwona, mpulira amagumba gange gameketa olwʼekibbikibbi kyange.

EZabbuli 38:8

Gampoire era ngondagondeire nakimo, nkenyera olwʼenima egindinayo oku mwoyo.

EZabbuli 51:8

Oleke mpulire eisangaalo nʼokwesiima. Oleke njaagaane waire ngʼonvuniankire.

EZabbuli 6:2

Oo Musengwa onkwatire ekisa, olwʼokubba obwomi busebengerera. Oo Musengwa, ondamye, olwʼokubba amagumba gameketa.

ENgero 17:22

Omwoyo omusangaali, bulezi busa; neye omwoyo omunakuwali, gukalya amagumba.

ENgero 28:13

Oyo iye abisabisa ebibbibibbibye tasuna enkabi, neye nabuli abibbutula nʼabyenenya, bamukwatira ekisa.

1 Samwiri 31:13

Ni batwala amagumba gaabwe ni bagaliika e Yabbesi ansi wʼomusaale ogubeeta bati tamalisika, kaisi ni basiiba enaku musanvu.