EZabbuli 31:3 - Bbaibbuli y'oLugwere

³ Ngʼobwoli niiwe eibbaale lyange omu neebisa, era olugaga lwange, olwʼeriinalyo, onnungamye era onkubbembere.

EZabbuli 31:3 ပူးပေါင်းရင်းမြစ်များ

EZabbuli 102:3

Obwomi bwange buwaawo mangu ooti mwosi, nʼomubiri gwange gumeigera ooti tanuulu.

EZabbuli 116:2

Olwʼokubba antegera ekitwi, namusabanga omu kiseera kyʼobwomi bwange bwonabwona.

EZabbuli 139:24

Obone ooba nga ndimu ekibbikibbi kyonakyona, era onkubbembere omu nzirayo eyʼenkalaakalira.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 25:11

Oo Musengwa olwʼeriinalyo, onsoniye ebibbibibbi byange newankubbaire nga bingi.

EZabbuli 25:5

Onnungamye omu mazimago era oganjegesye olwʼokubba niiwe oKibbumba omununuli wange, era eisuubi lyange libba mu niiwe okumalaku olunaku.

EZabbuli 25:9

Alungamya abawombeeki omu kukola ebintu ebituuce, era nʼabeegesya okukwata amanzirage.

EZabbuli 43:3

Osindike ekitangaalakyo nʼamazimago, oganye binnungamye, era bintuuce oku lusozirwo olutukulye, omu kifo ekyo e gyobba.

EZabbuli 71:3

Obbe niiwe eibbaale lyange omu neebisa okusuna obukuumi bulijo; olagire bannunule olwʼokubba niiwe eibbaale lyange omu neebisa era olugaga lwange.

EZabbuli 79:9

Oo Kibbumba, omununuli waiswe otubbeere, olwʼekitiisya kyʼeriinalyo. Otununule era otusoniye ebibbibibbi byaiswe olwʼeriinalyo.

Luuka 1:79

nʼayakira abo abali omu bwomi bwʼekibbikibbi nʼomu kiiriirye ekyokufa kwʼomu mwoyo, era nʼokulungamya ebigere byaiswe omu nzira eyʼeidembe.”

Yokaana 16:13

Neye iye oMwoyo amanyikisya abantu amazima agakwata oku Kibbumba oweyaliiza, yalibalungamya ni mumanya amazima ago gonagona. Ekyo kityo olwʼokubba tiyalitumula kululwe, wazira yalitumulanga biibyo byonkani ebiyaliwuliranga okuzwa egiri oKibbumba, era nʼokubakoberanga ebyaba okwiza.

AbʼEfeeso 1:12

Era ekyo kituwa iswe aBayudaaya, abantu abasookere okusuubira oKurisito, ni tuwuuja ekitiisya kya Kibbumba.

Yoswa 7:9

ABakanani nʼabantu abandi bonabona abali omu kyalo kinu, bawulira kinu, ni batuzingiza era ni batusaanyawo oku kyalo. Olwo atyanu walikola otya okusigalya ekitiisya kyʼeriinaryo erikulu?”