EZabbuli 30:5 - Bbaibbuli y'oLugwere

⁵ Obusungubwe bubbaawo kaseera-buseera, neye ekisaakye kibbeerererawo. Amaliga gayezya okubbaawo obwire, neye owebuca eisangaalo ni liiza.

EZabbuli 30:5 ပူးပေါင်းရင်းမြစ်များ

ENtandiika 32:24

Kale oYaakobbo nʼasigala omu nkambi yenkani. Awo ni wabbaawo omusaiza eyaizire, nʼalwana naye paka emambya oweyasalire.

EZabbuli 103:17

Neye omu mirembe gyonagyona okutaka kwa Musengwa okutakoma kubba kwabo abamutya; era obusaabwe bubba oku baizukulu baabwe,

EZabbuli 103:9

Tasengererya okutuvunaana, waire okubbeererera omusunguwali emirembe gyonagyona.

EZabbuli 143:8

Nabuli makeezi, oneebukiryenge okutakakwo okutakoma, olwʼokubba neesiga niiwe. Ondage enzira egindi nʼokukwata, olwʼokubba neewaayo gyoli mu kusaba.

EZabbuli 145:10

Oo Musengwa, ebyomi byonabyona ebiwakolere byakuwuujanga, nʼabatuukiriryebo bonabona bakuwuujanga.

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 46:5

OKibbumba abba mu kibuga ekyo, kale tibalikijigirica, oKibbumba Yakirwaniriranga ngʼobwire bwatira okuca.

EZabbuli 47:7

Olwʼokubba oKibbumba niiye oKabaka wʼekyalo kyonakyona, mumwembere enyembo egimuwuuja.

EZabbuli 59:16

Neye nze nayembanga oku bwezyebwo. Nabuli makeezi nabbookookanga oku kutakakwo okutakoma, olwʼokubba oyabire ngʼobba niiwe olugaga lwange, era ekiirukiro kyange omu biseera byʼebigosi.

EZabbuli 63:3

Olwʼokubba okutakakwo okutakoma kukirira nakimo obwomi, nakuwuujanga.

EZabbuli 97:12

Inywe abeesiga oMusengwa mujaagaane olwʼebyo ebyakola, era mumuwuuje iye oMutukulye.

OKuzwa 3:15

OKibbumba era nʼakoba oMusa ati, “ABaisirairi wabakoba oti, NDI, oKibbumba wʼabazeiza baanywe, iye oKibbumba wa Ibbulaimu, era wa Isaka, era wa Yaakobbo, niiye antumire egimuli. Eryo niiryo eriina lyange abantu abʼemirembe nʼemirembe eribanjebukiriryangaku.

Matayo 5:4

Bʼenkabi abo abakunga, olwʼokubba oKibbumba yalibasaninkirirya.

2 Abʼe Kolinso 4:17

Ekyo kityo olwʼokubba okugada okwo okutubitamu ikwo kutono era kwa kaseera-buseera. Era ikwo kutuzweramu ekitiisya ekinene eino ekyalibbaawo emirembe nʼemirembe, era ikyo nga kikirira nakimo ino okugada okwo.

Kubiikula 22:1

Awo omalaika nʼandagisya omwiga ogwʼamaizi agʼobwomi obutawaawo, ogumirikiinya ooti ndabirwamu, oguzwa oku ntebe eya Kibbumba eyʼobwakabaka era eya Ntaama oMutomuto wa Kibbumba,

Kubiikula 22:17

OMwoyo oMutukulye era nʼabaikirirya aba Yesu, abo nga niibo oMugolewe, bakoba bati, “Oize, Musengwa waiswe oYesu.” Kale buli awulira ebibono ebiri omu kitabo kinu akobe ati, “Oize, Musengwa waiswe oYesu.” Nabuli muntu enyonta eyʼomu mwoyo ogweruma aize, era buli ataka amaizi agʼobwomi, aikirirye okugasuna anambula kusasula.