EZabbuli 30:1 - Bbaibbuli y'oLugwere

¹ Oo Musengwa, nakugulumalyanga olwʼokubba onnunwire. Toganyire abalabe bange okwegooŋa oku lwange.

EZabbuli 30:1 ပူးပေါင်းရင်းမြစ်များ

2 Samwiri 20:3

Awo oDawudi oweyatuukire omu lubirirwe omu Yerusaalemi, nʼakwata abakalibe badi abandi eikumi, abeyabbaire alekere okulabiriranga olubiri nʼabateeka omu nyumba eriku abakuumi nʼabasibira omwo. Nʼabagabiriranga, neye nga tiyeegaita nabo. Ni babba ooti banamwandu paka owebafiire.

2 Samwiri 24:25

Kale oDawudi nʼayombekera aawo oMusengwa ekyoto, nʼawaayo esadaaka egibooca yonayona, nʼesadaaka eyʼokusyania. Awo oMusengwa nʼawulira oDawudi ebiyasabiire ekyalo, oMusengwa nʼakomya okawumpuli omwIsirairi.

2 Samwiri 5:11

Awo oKiramu okabaka wʼe Tiiro nʼatumira oDawudi abakwenda, nʼamuweererya embaabo egyʼemivule, nʼababaizi, nʼabombeki abakolesya amabbaale bombekere oDawudi olubiri.

2 Samwiri 6:20

Awo oDawudi oweyakangire e wuwe okusabira abʼomu nyumbaye enkabi, oMikali omwala wa Sawulo nʼawuluka okumusisinkana nʼakoba ati, “Okabaka wa Isirairi owʼekitiisya nga weemaliremu! Okwebitya ooti musaiza omugwagwa oweyeebitya, nʼotambula nga weeyambwire omumaiso gʼabagalama abaala abʼabaweereryabo!”

2 Samwiri 7:2

okabaka oDawudi nʼakoba onaabbi Nasani ati, “Obone nze ngona mu nyumba egibayombekeire embaabo gyʼomuvule, neye eSanduuku ya Kibbumba iyo egona mu weema!”

EZabbuli 13:4

era tiwaganya omulabe wange okukoba ati, “Mmuwangwire,” nʼabampalana okujaagaana olwa kumpangula.

EZabbuli 140:8

Oo Musengwa, tiwaawa ababbibabbi ebibataka, tiwaganya entegeka gyabwe okubitamu, bademba ni beewaana.

EZabbuli 145:1

Nagulumalyanga niiwe oKibbumba era oKabaka wange; nakuwuujanga emirembe nʼemirembe.

EZabbuli 25:2

Oo Kibbumba wange, niiwe oguneesiga, tiwandeka ni nswala, tiwaganya abalabe bange okumpangula.

EZabbuli 27:6

Olwo-so ni nsuna obuwanguli oku balabe bange abaneeruguuliriirye. Era ni mpaayo esadaaka omu Weemaye nga nceera olwʼeisangaalo, era nga nnyemba okuwuuja oMusengwa.

EZabbuli 28:9

Onunule abantubo! Owe abantubo okububwo enkabi. Niiwe obbe omulabiriri waabwe, era ngʼobalera emirembe gyonagyona.

EZabbuli 35:19

Tiwaganya abalabe bange abansibiriryaku okujaagaana olwa kumpangula. Era abancaawa anambula nsonga, tiwabaganya okwegooŋa nga ndi munakuwali.

EZabbuli 41:11

Mmaite nti onsiima, olwʼokubba toganyire abalabe bange okumpangula.

EZabbuli 66:17

Namwekungiriire okumbeera, era ni nnyemba okumuwuuja.

EZabbuli 79:10

Lwaki oleka abanamawanga okutubuulya bati, “OKibbumba waanywe ali yaina?” Weerage omu banamawanga nga tubona, ngʼonyaaŋa olwʼomusaaye gwʼabaweereryabo ogususukire.

EZabbuli 79:4

Abaliranwa baiswe batuzuma, abatuli okumpi batunyooma era ni batujerega.

AMateeka 20:5

“Awo abakungu bʼamaje batumulanga nʼabalwani bati, ‘Aanu waliwo eyankwombekanga enyumba neye nga tagiwonganga eeri Musengwa? Oyo akange e ika, ademba nʼafeera omu lutalo kaisi omuntu gondi nabba niiye agiwongayo.