EZabbuli 3:7 - Bbaibbuli y'oLugwere

⁷ Oo Musengwa, osetuke, Kibbumba wange, onnunule! Okubbe abalabe bange bonabona oku masaya obamulungulemu amaino.

EZabbuli 3:7 ပူးပေါင်းရင်းမြစ်များ

2 Samwiri 18:8

Olutalo ni lusalaanikira omu kitundu ekyo kyonakyona, era abantu bangi oku lunaku olwo ebigosi byʼomu kibira ni bibaita okukiraku abebaitire obwiti omu lutalo olwo.

EZabbuli 10:12

Oo Musengwa osetuke, Kibbumba obonereze omubbimubbi oyo, neye oyebukirye abebagadya, obabbeere.

EZabbuli 12:5

Neye oMusengwa akoba ati, “Olwʼokubba abantu ababbibabbi bagadya abadoobi, era nʼabebagadya bakunga, nasetuka ni mbakuuma ngʼowebeetaaga.”

EZabbuli 27:3

Newankubbaire amaje ganzingizanga, omwoyo gwange tigwatyenge. Waire olutalo owerwansetukirangaku, nasigalanga nga ndi mugumu.

EZabbuli 35:23

OSetukiremu era ondwanirire! Osale omusango gwange iwe oKibbumba wange, era Musengwa wange.

EZabbuli 44:23

Oo Musengwa, olamuke! Lwaki ogona? Osisimuke, totulekesula emirembe nʼemirembe!

EZabbuli 58:6

Oo Kibbumba abo abali ooti mpologoma obamulungulemu amaino. Oo Musengwa obbongolyagemu amaino gaabwe agali ooti gʼempologoma enzira.

EZabbuli 59:5

Oo Musengwa oWabwezye Bwonabwona, oKibbumba wa Isirairi, osetukiremu obonereze amawanga gonagona agatusetukiireku. Tiwasaasira abʼenkwe abakola obubbibubbi.

EZabbuli 6:4

Oo Musengwa oirye omwoyo onnunule, ondamye olwʼekisaakyo.

EZabbuli 7:6

Oo Musengwa osetukiremu, omu busungubwo olwanisye abalabe bange abannumba nʼobukambwe. Oo Kibbumba wange osetuke, olagire wabbeewo obwenkanya.

EZabbuli 74:11

Lwaki totubbeera nʼengaloyo, iyo endiiro eyʼobwezye? Ogitooleyo e gyogiringiire omu kifubba obajigirice.

EZabbuli 76:9

owewasetukire Kibbumba okusala omusango, okununula abebagadya oku kyalo.