EZabbuli 3:3 - Bbaibbuli y'oLugwere

³ Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

EZabbuli 3:3 ပူးပေါင်းရင်းမြစ်များ

ENtandiika 15:1

Oluzwanyuma lwʼebyo, oMusengwa nʼatumula nʼoIbbulaamu omu kwolesebwa ati, “Ibbulaamu tiwaatya. Nakukuumanga eeri akabbikabbi, era nalikuwa akasiimo akʼamaani.”

ENtandiika 40:13

Era omu naku isatu oFalaawo ayaba okukutoola omu mabbuusu, akusoniye. Era yakukanja omu kifookyo ngʼomukunguwe amuwa ebyokunywa. Era wamuwanga ebyokunywa ngʼowewakolanga eira owewabbeereire omukunguwe amuwa ebyokunywa.

EZabbuli 110:7

Neye iye okabaka yalinywa okwiruba eriri oku nzira, era yaliiramu amaani olwakuwangula abalabebe.

EZabbuli 119:114

Niiwe ekiirukiro kyange era engabo yange; nteekere eisuubi lyange mu kibonokyo.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 27:6

Olwo-so ni nsuna obuwanguli oku balabe bange abaneeruguuliriirye. Era ni mpaayo esadaaka omu Weemaye nga nceera olwʼeisangaalo, era nga nnyemba okuwuuja oMusengwa.

EZabbuli 28:7

OMusengwa niiye ampa amaani, era niiye engabo yange. Mmwesiga nʼomwoyo gwange gwonagwona. Ambeera era omwoyo gwange ni gwizula eisangaalo, era ni nnyemba okumuwuuja.

EZabbuli 4:3

Aale mumanye muti oMusengwa ayawiire abatuukirirye okubba babe. Era oMusengwa owemmusaba, anjiramu.

EZabbuli 62:7

Obununuli bwange nʼekitiisya kyange bizwa eeri Kibbumba. Niiye eibbaale lyange eryʼamaani omu neebisa, era niiye ekiirukiro kyange.

EZabbuli 84:11

Ekyo kityo olwʼokubba oMusengwa niiye eisana era engabo. OMusengwa atulaga ekisa era nʼatuwa nʼekitiisya. Mpaawo kintu ekisa ekyaima abo abatambulira omu bwomi obunambulaku ekyokubunenya.

Luuka 2:32

oti abbe ekitangaala eeri aBatali Bayudaaya, era aweesye abantubo aBaisirairi ekitiisya.”

AMateeka 33:29

Oo iwe Isirairi, ngʼooli wʼenkabi! Naani ali nga iwe, eigwanga oMusengwa eriyanunwire? OMusengwa niiye engabo yaanywe era niiye ababbeera era empiima ebaleetera okuwangula. Abalabe baanywe baliiza ni babeegudyera, neye inywe mwalyemyaga emibiri gyabwe.”

Kubiikula 21:11

OKibbumba yakiwaire okumirikiinya ooti ibbaale ojasipa, eibbaale eryʼebbeeyi eino era eriwaasya.

Kubiikula 21:23

Era ekibuga ekyo tikyetaaga isana ooba omweri okukimoleka, olwʼokubba ekitiisya kya Kibbumba niikyo ekikimolekera, era oNtaama oMutomuto wa Kibbumba niiye eitaala lyakyo.