EZabbuli 28:3 - Bbaibbuli y'oLugwere

³ Tiwantwalirya aamo nʼabantu ababbibabbi, era abo abakola ebibbibibbi. Batumula kusani na bainaabwe, neye nga omu myoyo gyabwe mulimu nkwe.

EZabbuli 28:3 ပူးပေါင်းရင်းမြစ်များ

EZabbuli 10:14

Neye iwe, Kibbumba obona ebigosi nʼenima, era weetegekere okubbeera. Abo abanambulaku obubbeeri beewaayo giri niiwe, bulijo niiwe obbeera abafuubbi.

EZabbuli 10:7

Ebyatumula biizwire biraami, na bubbeyi na kutiisyatiisya. Atumula byʼeitima nʼebibono ebibbibibbi.

EZabbuli 12:2

Abantu babbeyangana, batumula ebibono ebiwaanawaana, neye ngʼomu myoyo gyabwe mwizwire bubbeyi.

EZabbuli 141:4

Tiwaganya omwoyo gwange ni gwegomba okukola ekibbikibbi kyonakyona, tiwaguganya okwemigira omu bibbibibbi, nʼomu mukumbo nʼabakola ebibbibibbi era tiwaganyanga ni nabeegaitaku omu kulya embaga gyabwe.

EZabbuli 26:9

Tiwamalawo obwomi bwange aamo nʼabakola ebibbibibbi, waire ngʼobwokola abatemo.

EZabbuli 36:4

Nʼowaabba oku buliribwe, afumintiriza kukola bibbibibbi. Yeekanyangulira mu mpisagye embiibbi, nandi nʼacaawa ekibbikibbi.

EZabbuli 52:1

Iwe owʼamaani, lwaki weepankira omu kibbikibbi? Ekisa kya Kibbumba kinkuuma okumalaku olunaku.

EZabbuli 55:21

Ebibonobye byabbaire binyuma okuwulira okukiraku okukomba amakita, neye nga ekimuli oku mwoyo, lutalo. Nʼebibonobye byabbaire byogi ooti mpiima.

EZabbuli 62:4

Mutaka okumutoola oku bukulu. Mukira kusangaalira bubbeyi. Entumula yaanywe eraga okutakirya omuntu obusa, neye ngʼomu myoyo gyanywe mumulaama.

EZabbuli 7:14

Obone ababbibabbi owebaseega okukola ekibbikibbi! Baizwire itima, era batumula byobubbeyi.

OKubala 16:26

OMusa nʼalabula abantu bonabona ati, “Muzwe okumpi nʼeweema gyʼabantu abo ababbibabbi, timwakubbyaku ekintu kyonakyona ekyʼabantu abo, demba oMusengwa nʼabajigirica nywena olwʼebikole byabwe ebibbibibbi.”

Matayo 25:41

“Awo yalikoba abo abalibba oku lubbaalwe olwʼengalo engooda ati, ‘Muzwe e gyendi inywe oKibbumba abeyalaamire. Era mwabe omu musyo ogutalikira, eira ogubategekeire oSitaani nʼabamalaikabe.

Matayo 25:46

“Kale abo balibasindika oku kibonerezo ekitawaawo. Neye abatuukirirye balyaba mu bwomi obutawaawo.”