EZabbuli 27:6 - Bbaibbuli y'oLugwere

⁶ Olwo-so ni nsuna obuwanguli oku balabe bange abaneeruguuliriirye. Era ni mpaayo esadaaka omu Weemaye nga nceera olwʼeisangaalo, era nga nnyemba okuwuuja oMusengwa.

EZabbuli 27:6 ပူးပေါင်းရင်းမြစ်များ

ENtandiika 40:13

Era omu naku isatu oFalaawo ayaba okukutoola omu mabbuusu, akusoniye. Era yakukanja omu kifookyo ngʼomukunguwe amuwa ebyokunywa. Era wamuwanga ebyokunywa ngʼowewakolanga eira owewabbeereire omukunguwe amuwa ebyokunywa.

ENtandiika 40:20

Awo oluzwanyuma lwʼenaku ibiri, oku lwakusatu lwabbaire lunaku lwa kwebukiriryaku olubabyaliireku oFalaawo. Kale oFalaawo nʼategeka embaga era nʼayaniriza abaweereryabe bonabona. Era nʼalagira ni bateera abakungube badi, eyamuwanga ebyokunywa, nʼomukulu wʼabasumbi, ni babatwala omumaiso gʼabaweereryabe.

2 Samwiri 22:1

Awo oMusengwa oweyanunwire oDawudi omu bwezye bwa Sawulo nʼabalabebe abandi bonabona oDawudi nʼayembera oMusengwa olwembo lunu oluti,

2 Samwiri 22:49

Era andamya abalabe bange. Oo Musengwa, onjezesya okuwangula abalabe bange, era nʼonnunula eeri abantu abaizwire obukambwe.

2 Samwiri 7:9

Mbairenge na iwe nabuli e gyoyabirenge, ni nsanyaawo abalabebo bonabona omumaisogo. Nʼalikututumuca ngʼabafugi abatutumuki oku kyalo.

EZabbuli 107:22

Bawengeyo esadaaka egyʼokwebalya, era bayembenge nʼeisangaalo okulangirira ebyakola.

EZabbuli 110:7

Neye iye okabaka yalinywa okwiruba eriri oku nzira, era yaliiramu amaani olwakuwangula abalabebe.

EZabbuli 119:108

Oo Musengwa, osiime okuwuuja okwempaayo omu kutaka nga nkwebalya, era onjegesye amateekago.

EZabbuli 138:5

Oleke bembe oku bikwata oku manzirago, olwʼokubba ekitiisyakyo Musengwa, kyʼamaani!

EZabbuli 21:1

Oo Musengwa, okabaka asangaala olwʼokubba omuwa amaani. Ajaagaana, olwʼokumununula.

EZabbuli 21:13

Oo Musengwa, bakugulumalyenge olwʼamaanigo. Twayembanga era ni tuwuuja obwezyebwo.

EZabbuli 3:3

Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

EZabbuli 3:4

Nkungirira niiwe Musengwa okumbeera, era onjiramu ngʼosinzirira oku lusozirwo olutukulye.

EZabbuli 47:1

Mukubbe omu ngalo bantu inywe abʼamawanga gonagona, Mubbookooke enyembo gyʼeisangaalo nga muwuuja oKibbumba,

EZabbuli 57:8

Olamuke iwe mwoyo gwange, olamuke iwe tongoli era iwe nkana! Nalamuka ngʼemambya ekaali okusala!

EZabbuli 81:1

Mwembere oKibbumba nʼeisangaalo, iye amaani gaiswe. Mubbookooke nga mwembera oKibbumba wa Yaakobbo!

EZabbuli 95:1

Mwize twembere oMusengwa, tumwembere nʼeisangaalo, oyo eIbbaale omutwebisa ni tusuna obununuli.

AbʼEbbulaniya 13:15

Kale tuwengeyo eeri oKibbumba esadaaka eyʼokumuwuuja, nga tugibitya mu Yesu, nga bulijo tubbutula tuti oKibbumba niiye oMusengwa.

1 Peetero 2:5

Era atyanu nywena muli ooti mabbaale amoomi, agebali kukolesyanga omu kwombeka enyumba eyʼomwoyo. Nʼekindi kiri kiti, muli kibbula kyʼabakabona abatukulye, era olwʼobubbeeri bwa Yesu Kurisito inywe muwaayo esadaaka egisangaalya oKibbumba.

Kubiikula 15:3

Ni bemba olwembo onaabbi oMusa, omuweererya wa Kibbumba oluyayembere, nʼolwembo eeri oNtaama oMutomuto wa Kibbumba, nga bakoba bati: “Musengwa oKibbumba oWabwezye Bwonabwona, ebyokola bikulu era byewunyisya! Iwe oKabaka owʼemirembe nʼemirembe, amanzirago matuuce era gʼamazima.

Kubiikula 5:9

Ni bemba olwembo oluyaaka nga bakoba bati: “Osaaniire okutoola omuzingo ogwʼekitabo, nʼokumoonolola obuzebbo bwagwo. Ekyo kityo olwʼokubba bakwitire, era olwʼokufaakwo, wanunuliire oKibbumba abantu omu bika byonabyona, nʼomu ntumu gyonagyona, nʼomu bantu bonabona, nʼomu mawanga gonagona,