EZabbuli 26:3 - Bbaibbuli y'oLugwere

³ olwʼokubba bulijo ekisaakyo niikyo ekineekubbembera, era ntambulira mu mazimago bulijo.

EZabbuli 26:3 ပူးပေါင်းရင်းမြစ်များ

EZabbuli 101:2

Neegenderezanga ni ntambulira omu bwomi obunambulaku kyokubunenya. Waliiza di egyendi? Omu kisito kyange, naabbanga wʼamazima.

EZabbuli 119:142

Obutuukiriryebwo bubbeerererawo, era amateekago matuuce.

EZabbuli 25:5

Onnungamye omu mazimago era oganjegesye olwʼokubba niiwe oKibbumba omununuli wange, era eisuubi lyange libba mu niiwe okumalaku olunaku.

EZabbuli 52:1

Iwe owʼamaani, lwaki weepankira omu kibbikibbi? Ekisa kya Kibbumba kinkuuma okumalaku olunaku.

EZabbuli 86:11

Oo Musengwa, ondage enzirayo, kaisi ntambulirenge omu mazimago. Oyegesye omwoyo gwange okukuweereryanga niiwe wenkani, kaisi nkutyenge.

Luuka 6:36

Muli nʼokubba bʼekisa ngʼoItewaanywe aali omwigulu.”

Yokaana 14:6

Awo oYesu nʼamwiramu ati, “Ninze enzira, era ninze amazima, era ninze obwomi. Mpaawo atuuka egiri oBbaabba okutoolaku ngʼabitire mu ninze.

2 Abʼe Kolinso 3:18

Nʼolwekyo iswe abebatoireku ekibiikaku ekyo, swenaswena tulaga ekitiisya kya Musengwa oyo nago oMwoyo oMutukulye. Era ekitiisya ekyo, kitusuucirya nakimo ni tweyongerangaku okubba ooti niiye, ngʼoMwoyo ali kutucuusira omu kifaananyi kya Musengwa ekyʼekitiisya.

2 Abʼe Kolinso 8:9

Inywe mumaite muti oMusengwa waiswe oYesu Kurisito wʼekisa kinene. Newankubbaire yabbaire musuni, yasuukire muntu omudoobi okulwanywe, kaisi olwʼobudoobibwe ayezye okubasuuca inywe basuni.

AbʼEfeeso 4:32

Wazira mubbenge abʼekisa, era nabuli moiza alumirwenge omwinaye, era musoniyaganenge, ngʼoKibbumba oweyabasoniyire inywe ngʼabitira omu Kurisito.

1 Yokaana 1:7

Neye owetutambulira omu kitangaala ooti kiikyo oKibbumba ekyayaka, mwiswe tubba tulimu nʼenkolagana eyaiswe aamo, era omusaaye gwa Yesu iye oMwanawe, igwo gwaba nga gutunaabyaku nabuli kibbikibbi.

2 Yokaana 1:4

Cooka nasangaire ino owenamanyicirye nti abamo kwinywe mutambulira omu mazima, ngʼoitewaabwe oweyatulagiire.

3 Yokaana 1:11

Aale atyanu mwinange omutake, wena tokolanga ooti Diyotireefe, neye okolenge bisa. Iye omuntu yenayena akola ekisa, oyo abba wa Kibbumba. Era nʼoyo yenayena akola ekikole ekibbikibbi abba akaali okutegeera oKibbumba.